«Epıdemıologııalyq jaǵdaıdy (KVI «Delta» shtamynyń belsendi taralýyn) jáne vaksınalaýmen qamtýdy eskere otyryp, mınıstrlik epıdemıologııalyq jaǵdaıdyń boljamyn jańartty. Osylaısha, pessımıstik ssenarııde 2021 jyldyń shilde-qyrkúıek aılarynda tirkelgen jaǵdaılar sany shamamen 400 myń adam (ortasha eseppen tamyz aıynda 6 myń jaǵdaıdan joǵary) bolmaq», dep jazdy mınıstr facebook paraqshasynda.
Onyń aıtýynsha, ekinshi realıstik ssenarıı boıynsha, 2021 jylǵy shilde-qyrkúıekte tirkelgen jaǵdaılar boljamdy sany shamamen 355 myń adam (ortasha eseppen táýligine tamyz aıynda 5,3 myń jaǵdaıdan joǵary) bolmaq. Al optımıstik ssenarıı boıynsha, 2021 jyldyń shilde-qyrkúıek aılarynda tirkelgen jaǵdaılar sany shamamen 330 myń adam (ortasha eseppen tamyz aıynda eń joǵary jaǵdaı – táýligine 5 myńǵa jýyq) bolýy múmkin.
