Býdapeshte júlde qory 235 238 AQSh dollaryn quraıtyn WTA týrnıriniń alǵashqy aınalymynda grýzııalyq Ekaterına Gorgodzeden (álemniń 215 raketkasy) aılasyn asyrǵan Iýlııa Pýtınseva keshe horvatııalyq Ana Konıýhty (114) 6:4, 6:3 esebimen qapy qaldyrdy. Endi ol ýkraınalyq Katerına Kozlovamen (154) kezdesedi.
Lozannada dodanyń tusaýkeser kezdesýinde shveısarııalyq Sımona Valvertke (235) shań qaptyryp ketken Zarına Dıas (114) kelesi kezeńde ıtalııalyq Kamıla Djordjımen (61) sheberlik baıqasady.
Al AQSh-tyń Nıýport qalasynda shymyldyǵy túrilgen ATR týrnırinde Aleksandr Býblık (37) horvatııalyq Ivo Karlovıchpen (210) kúsh synasty. Eki saǵatqa jýyq ýaqytqa sozylǵan tartys 7:6, 4:6, 6:1 esebimen jerlesimizdiń paıdasyna sheshildi. Býblıktiń shırek fınaldaǵy qarsylasy –taıpeılik Djeıson Djýng (163).
