Sport • 15 Shilde, 2021

Lýsenko Olımpıadada top jarýy múmkin

38 ret kórsetildi

Tokıo Olımpıadasynda velosporttan el namysyn úsh sportshy qorǵaıdy. Olar ­­­­‒ Alekseı Lýsenko, Dmıtrıı Grýzdev jáne Vadım Pronskıı. Olımpııa oıyndarynda Qazaqstan komandasynyń kapıtany mindetin Alekseı Lýsenko atqarady. 

Úsh sportshynyń arqasynda veloshabandozdar jekeleı jáne toptyq synda óner kórsetýge múmkindik alyp otyr. Biz mundaı jetistikke sońǵy ret 2004 jyly Afına Olımpıadasynda ǵana jetken ekenbiz.

Halyqaralyq velosport federasııasynyń qorytyndy reıtıngisi boıynsha Qazaqstan komandasy úsh lısenzııa ıelengen bolatyn. Upaı jınaý kezeńderi 2018 jyldyń 22 qazany men 2019 jyldyń 22 qazany aralyǵyn qamtydy. Qorytyndy esepte bizdiń komanda 3259,35 upaımen 19-orynǵa taban tiredi. Bul rette 2019 jyly Qazaqstan qorjynyn mańyzdy upaılarmen toltyrǵan Alekseı Lýsenkonyń eńbegi erekshe. Sondaı-aq qazaqstandyq veloshabandozdar Azııa chempıonatynda úsh altyn alyp, komanda reıtıngine 555 upaı qosty. Osylaısha, 2004 jyldan beri alǵash ret toptyq synda Qazaqstan atynan úsh sportshy baq synaıdy. 

Biz búgin komandanyń kóshbasshysy Alekseı Lýsenkony jaı aıtyp otyrǵan joqpyz. Sebebi ol buǵan deıin qanshama iri týrnırlerde júlde alyp júrgen birden-bir otandasymyz. Tipti oǵan 2016 jyly Rıo Olımpıadasynda úlken úmitpen qaraǵan da edik. Alaıda onyń josparlaryna jaraqat kedergi keltirdi, sol sebepti ol basty startqa barmady.

‒ Olımpıada ‒ kez kelgen sportshynyń mansabyndaǵy eń úlken shyń. Jaraqattyń saldarynan men Rıoǵa qatysa almadym. Sodan beri men daıyndyqty toqtatpadym. Kerisinshe, sheberligimdi arttyrdym. Sondyqtan Olımpıadada jaqsy nátıjeni kórsetkim keledi, ‒ dedi Alekseı Lýsenko.

Sodan beri bes jyl artta qaldy. Lýsenko shırady, Týr de Frans, Jıro d Italııa, Výelta syndy kópkúndikke qatysyp tájirıbe jınady. Jınaǵan tájirıbeniń arqasynda ol Azııa oıyndarynyń eki dúrkin chempıony, Azııa chempıonatynyń jeńimpazy atandy. Odan bólek, Oman, Túrkııa, Aýstrııa jáne Qytaıda ótken velojarystarda top basynan kórine aldy.

Olımpıada aldynda quramanyń bas bapkeri Asan Bazaev sportshylardyń daıyndyǵy jaıly aıtyp berdi.

­‒ Jarysta Lýsenko kapıtan retinde qatysady. Grýzdev pen Pronskıı oǵan kómektesedi. Alǵashynda Andreı Zeısti Olımpıadaǵa aparamyz dep oılaǵan edik. Alaıda ol jaraqatynan keıin babyna kele almady. Dál qazir Dmıtrıı Grýzdev naǵyz babynda. Vadım Pronskıı «Djırodan» keıin jaqsy nátıje kórsetip júr. Alekseıge kómegi kóp bolary anyq, ‒ dedi bas bapker.

Bas bapkerdiń aıtýynsha, qazaqstandyq sportshylar Tokıoda sátti óner kórsetip, júlde alyp qalýymyz da ǵajap emes.

Erler arasyndaǵy báseke 24 shilde kúni toptyq jaryspen bastalady. Jarysqa 130 sportshy qatysady dep kútilýde. Al jekeleı synda Alekseı Lýsenko ǵana baq synaıdy.

Sońǵy jańalyqtar

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar