Onyń aıtýynsha, Almatydaǵy epıdemııalogııalyq jaǵdaıdyń kúrt nasharlaýyna baılanysty Qurban Aıt namazy qala meshitterinde oqylmaıdy. Aıt namazynyń ornyna árkim óz úıinde 2 rákat namaz oqýy usynylady.
Sondaı-aq Qurban aıt kúnderi eldiń bazardan mal tańdap alyp, ony óz qolymen soıýyna jáne kópshilik is-sharalardy ótkizýine múmkinshiligi bolmaıdy.
«Bul jaýapty da, saýapty amaldy Mýftııatqa qarasyty meshitter Sharıǵattaǵy ókil qurbandyǵy, ıaǵnı bireýdiń ornyna basqa adam ókil bolyp, qurban shalý qaǵıdasyna súıene otyryp qashyqtan qurban shalýdy uıymdastyrady. Byltyrǵy tájirıbege súıenip, Bas mýftı bastamasymen karantın talaptaryn eskere otyryp, halyqtyń densaýlyǵyn saqtaý maqsatynda qurban shalý sharasyn ótkizý úshin Qurban-2021 atty onlaın qaıyrymdylyq aksııasy qolǵa alyndy. Ol úshin arnaıy Kurban2021.kz saıty qaıta iske qosylyp, qashyqtan qurban shalýdyń jón-josyǵy men algorıtmi túzildi», dedi qalanyń bas ımamy.
Almaty ókildigi boıynsha qashyqtan qurban shalý isin úılestiretin arnaıy jumys toby qurylǵan. Olar tapsyrys alýdan bastap, mal soıý, vıdeo esep joldaý, etti muqtaj jandarǵa taratý syndy jumystardy júrgizedi.
«Saıt arqyly qurbandyqqa tapsyrys berý 15 shildeden bastap 22 shilde saǵat 14.00-ge deıin jalǵasady. Pandemııaǵa baılanysty qashyqtan qurban shalýǵa tapsyrys berýshilerge qurban etteri berilmeıdi, etter túgeldeı muqtaj jandarǵa tabystalady», dedi Ospan Tólebı.
