Memleket basshysy «Bernd» sıklonynan týyndaǵan tolassyz jańbyr men sý tasqyny saldarynan kóptegen adamnyń qaza tapqany jáne zardap shekkeni týraly sýyt habardy tereń kúızelispen qabyldady.
«Osyndaı aýyr sátte qaıǵy-qasiretterińizge ortaqtasyp, barsha qazaqstandyqtardyń jáne jeke ózimniń atymnan Sizge jáne jaqyndarynan aıyrylǵan otbasylarǵa, sondaı-aq, búkil Germanııa halqyna qaıǵyra kóńil aıtamyn. Tabıǵı apat kezinde jaraqat alǵandardyń tez arada saýyǵyp ketýine, al iz-tússiz joǵalǵandardyń otbasylaryna aman-esen oralýyna tilektestik bildiremin», delingen jedelhatta.
