«Vaksınaǵa qarsy top birtektes emes. Vaksınasııadan bas tartýdyń sebepteri ár túrli. Mundaı adamdardyń arasynda kúmándanýshylar kóp. Biz olardy barlyq tásildermen, sonyń ishinde áleýmettik jeliler arqyly sendirýimiz kerek. Keıbir damyǵan batys elderi kóndirý ádisinen májbúrleý sharalaryna aýysyp jatyr. Biz muny istemeımiz. Tek iri eńbek ujymdarynyń qyzmetine qatysty erekshe jaǵdaılar bar. О́ıtkeni biz vaksınaǵa qarsy shaǵyn toptyń áserinen basqa azamattarymyzǵa qaýip tóndire almaımyz», dedi Prezıdent.
Q.Toqaev búginde 2,8 mıllıonǵa jýyq adam ımmýndaý kýrsyn aıaqtaǵanyn atap ótti. Alaıda, jaqsy dınamıkaǵa qaramastan, aımaqtar boıynsha alǵanda jaǵdaı ár túrli.
Prezıdenttiń aıtýynsha, vaksınalardy tasymaldaý men saqtaýdyń barlyq aspektileri naqty pysyqtalýy kerek. Sońǵy málimetter kórsetkendeı, barlyq aımaqtar bul jumysty durys uıymdastyrmaǵan.
