«Jas jigit Instagram paraqshasynda sporttyq utysqa aqsha tigip, 100% utysqa ıe bolý týraly habarlama jarııalaǵan. Alaıaq elordalyqtardy sporttyq básekege aqsha tigýge kóndirip, olardan elektrondy ámııanyna aqsha jiberýin surady. Básten túsken paıdany táýlik ishinde jiberýge ýáde berip, aqshany alyp alǵan soń, aldanǵan azamattardyń baılanys nómirlerin buǵattap tastaǵan. Tergeý barysynda anyqtalǵandaı, jas alaıaqtyń utys tigýge esh qatysy joqtyǵy jáne jurttan túsken aqshany óz qajetine jaratqany belgili boldy. Jedel izdestirý sharasy nátıjesinde alaıaq ustalyp, tergeý ızolıatoryna qamaldy. Keltirilgen shyǵynnyń kólemi 3 500 000 teńgeni quraıdy», delingen habarlamada.
Nur-Sultan qalasynyń Polısııa departamenti habarlaǵandaı, pandemııa kezinde ǵalamtorda jeńil aqsha tabýǵa shaqyratyn jalǵan habarlamalar sharyqtap ketken.
«Onyń eshqandaı talaby joq, tek aqsha jiberse bolǵany. О́kinishke qaraı, kóptegen azamattar jeńil tabys tabý jolynda aldanyp jatady. Osy oraıda ǵalamtorda jarııalanǵan habarlamalardyń rastyǵyn jiti tekserip otyrǵan jón», dep habarlaıdy departamentten.
Nur-Sultan qalasy Polısııa departamenti azamattardan jeli alaıaqtarynyń aldaýyna túsip qalmaýǵa keńes beredi. Internette jarııalanǵan túsiniksiz jáne kúmándi oıyn, utystarǵa qatyspaýǵa shaqyrady.
