Mańǵystaý oblysy sońǵy aıda ózge aımaqtarmen salystyrǵanda koronavırýstyq ınfeksııa juqtyrǵandar men ınfeksııalyq tósek oryndarynyń tolý syıymdylyǵy jaǵynan alǵa shyqqan.
«Búginde Mańǵystaý óńirindegi keıbir aýdandaryndaǵy tósek oryn qoryna úlken salmaq túsip turǵandyǵy baıqalady. Aqtaý qalasyndaǵy ınfeksııalyq tósek oryn 64,2%, reanımasııalyq 69% quraıdy, Jańaózen qalasyndaǵy ınfeksııalyq tósek oryn 80%, reanımasııalyq 43,7% qurady jáne tendensııa áli de ósetindigin kórsetip otyr. Budan bólek Aqtaý qalasynda oblystyq perınataldyq ortalyq deńgeıinde reanımasııalyq tósek oryndarynyń tapshylyǵy seziledi degen boljam bar. Qazirgi ýaqytta 10 reanımasııalyq tósek oryndarynyń 90% tolyq jáne modýldik ınfeksııalyq stasıonardyń 55 tósek orynynyń 69% tolyq», dedi densaýlyq saqtaý vıse-mınıstri Ajar Ǵınııat.
Bıyl shilde aıynyń 16 men 20 aralyǵynda Densaýlyq saqtaý mınıstrliginiń jumys tobymen Aqtaý qalasyndaǵy eki emhanaǵa jáne úsh ınfeksııalyq stasıonarǵa júrmeli monıtorıng júrgizilgen. 67 ambýlatorııalyq karta jáne 31 aýyr hálde jatqan 31 medısınalyq kartaǵa taldaý jasalǵan. Nátıjesinde emhanalarda mobıldik brıgadalardyń jetispeýshiligi baıqalyp otyr, koronavırýstyq hattamalardyń klınıkalyq saqtalmaýy, ambýlatorııalyq deńgeıde ımmýnomodýldik negizsiz taǵaıyndaý oryn alǵan, vırýsqa qarsy jáne antıbakterıaldy preparattar, koronavırýstyq ınfeksııa juqtyrǵan naýqastardyń jaǵdaıyn dınamıkalyq baqylaý kezinde uıymdastyrý jumystarynda birqatar kemshilikter boldy.
«Mańǵystaý óńirindegi qazirgi ahýal dabyl qaǵatyndaı deńgeıge jetip tur, sebebi aldaǵy ýaqytta tósek oryndarynyń tez tolyp qalýynan tósek oryn qorynyń jetispeýshiligine jáne turǵyndarǵa stasıonarlyq kómektiń qoljetimdiligi tómendep ketýi yqtımal», dedi Alekseı Soı.
Bul rette jergilikti atqarýshy organdarǵa atalǵan problemalardy shuǵyl arada sheshý jóninde tapsyrma berildi.
