Tekseris qorytyndysy boıynsha jol uıymdarynyń basshylaryna kemshilikterdi joıý úshin 1026 uıǵarym berilgen. Avtomobıl joldaryn kútip ustaýdaǵy kemshilikter boıynsha tıisti mekemelerge 190 aqparat joldanǵan. Sonymen qatar aımaqtaǵy temirjol ótkelderine de tekseris júrgizilip, olardy kútip-ustaý boıynsha 152 aqaý anyqtalypty. О́tkelderge jaýapty uıymdardyń basshylaryna da atalǵan kemshilikterdi joıý úshin 56 nusqama jiberilgen. Osy oraıda, avtomobıl joldarynyń qanaǵattanarlyqsyz kútimi jáne jol qaýipsizdigin tıisti qamtamasyz etpegeni úshin 128 laýazymdy tulǵa ákimshilik jaýapkershilikke tartylǵan.
«Joldarda jumys júrgizý, joldardy, temirjol ótkelderin jáne basqa da jol qurylystaryn kútip ustaý jónindegi talaptardy oryndamaǵany úshin Qazaqstan Respýblıkasy ákimshilik-quqyqbuzýshylyq týraly Kodeksiniń 631-babynyń 1-bóligi boıynsha 81 laýazymdy tulǵa ákimshilik jaýapkershilikke tartyldy. Taǵy 1 laýazymdy tulǵaǵa qatysty osyǵan uqsas quqyq buzýshylyq jáne ol jol-kólik oqıǵasyna ákep soqtyrǵany úshin ákimshilik hattama toltyryldy», deıdi Jambyl oblystyq Polısııa departamenti Ákimshilik polısııa basqarmasy bastyǵynyń orynbasary, polısııa podpolkovnıgi Nıkolaı Son.
Sondaı-aq joldardy, temirjol ótkelderin jáne basqa da qurylystardy nemese jol qozǵalysyn retteýdiń tehnıkalyq quraldaryn zaqymdaǵany úshin 46 jeke tulǵa ákimshilik jaýapkershilikke tartylǵan.
