Qurǵaqshylyq jaılap, shóp shyqpaı qalǵan batys óńirlerine ár aımaqtan kómek qolyn sozýshylar kún saıyn mal azyǵyn jóneltip jatyr.
Jelide sondaı sátterdiń birinen vıdeo tarady. Kadrda úıine shóp ákelgen jastardyń áreketin kórgen mańǵystaýlyq áje jylap jiberdi. Qýanyshtan jylaǵan aqjaýlyqty ana qysylǵanda qoldaý bolǵandarǵa aq batasyn berip, alǵysyn jaýdyrdy.
«Rahmet, jaryqtarym. Sóıleı alar emespin. Osyndaı kúıge túsip qaldyq... Qol ushyn sozyp jatqan jandarǵa Alla rıza bolsyn, denderi saý bolsyn, otbasylaryna baqyt tileımin», dedi qýanyshtan kóńili bosaǵan ana.
Áleýmettik jeli qoldanýshylary vıdeony jarysa bólisip, toptarda keńinen talqylap jatyr. Olardyń kóbi vıdeodaǵy oqıǵany «Kóńil tebirenterlik sát» dese, endi bir «Qurmet sekildi azamattar kóp bolsyn» dep tilek bildirýde.
Aıta keteıik, malynyń jaı-kúı joq óńirlerge járdemdesý úshin jurtty jumyldyrǵan jigit jaıly maqala buǵan deıin de saıtymyzda jarııalanǵan edi.
