Aımaqtar • 21 Shilde, 2021

Túrkistan: Ordabasy aýdanynan Mańǵystaýǵa 4 vagon mal azyǵyn jiberildi

139 ret kórsetildi

Búgin Túrkistan oblysy Ordabasy aýdanyndaǵy Badam stansasynan Mańǵystaý oblysyna 110 tonna shóp tıelgen 4 vagon jiberildi, dep jazady Egemen.kz óńirlik baspasóz qyzmetine silteme jasap.

Badam stansasynan joldanǵan mal azyǵy Mańǵystaý oblysynyń Shetpe, Quryq jáne Jetibaı stansalaryna jetkiziledi. Ol jaqta kómekti kútip alyp, úlestiretin azamattar bekitilgen.

«Búgingi ıgi aksııaǵa aýdan kólemindegi «Batsý vodokanal» JShS, «Ordabasy tas» JShS, sharýa qojalyqtary, aýdandyq máslıhat depýtattary, Nur Otan fraksııasynyń músheleri, erikti azamattar, aýdan turǵyndary úles qosty. Biz – Mańǵystaý jurtymen birgemiz!», dedi Nur Otan partııasy Ordabasy aýdandyq fılıaly tóraǵasynyń birinshi orynbasary Alıasqar Berdimurat.

Ordabasy aýdany ákimdigi men partııanyń jergilikti fılıaly jem-shóp máselesin baqylaýda ustap otyr. Aýdandyq aýyl sharýashylyǵy bóliminiń basshysy Ábilda Álibekovtiń aıtýynsha, aımaqta mal azyǵy jetkilikti deńgeıde.

«Degenmen, jyldaǵydaı bitik shóp bolmaýyna baılanysty aýdan ákimi Baǵlan Batyrshaevtyń bastamasymen árbir aýyl okrýginde mal azyǵyn jınaý beketi ashyldy. Jem-shóp qory jınalyp jatyr. Osy qor arqyly qysta áleýmettik az qamtylǵan, mal azyǵyn jınaýǵa shamasy joq, asyraýshysynan aıyrylyǵan otbasylarǵa jem-shóp beriledi. Aýdan ákimdigi qysqy naýqanǵa daıyndyqty bastap ketti»,  deıdi ol.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar