Aımaqtar • 22 Shilde, 2021

Basshysynan kek almaq bolǵan azamat polısııaǵa jalǵan habarlama bergen

129 ret kórsetildi

Atyraýda basshysynan kek almaq bolyp, polısııaǵa jarylǵysh zat týraly jalǵan habarlama bergen aqtaýlyq ustaldy, dep habarlady Polisia.kz.

Belgisiz er adam 17 shilde kúni polısııaǵa qońyraý shalyp, qurylysy aıaqtalmaǵan zaýyttardyń birinde jarylǵysh zat qoıylǵanyn aıtqan. Oqıǵa ornyn polısııa qyzmetkerleri dereý qorshaýǵa alyp, jarylǵysh zatty zalalsyzdandyratyn mamandar men qyzmettik ıtter arqyly tekserýge kirisken. Alaıda nysan aýmaǵynan eshqandaı jarylǵysh zat tabylmaǵan.

Atyraý oblysy Polısııa departamenti Ekstremızmge qarsy is-qımyl basqarmasy qyzmetkerleri jedel-izdestirý jumystary kezinde qońyraý shalǵan 38 jastaǵy er adamnyń jalǵan habarlama bergenin anyqtady. Belgili bolǵandaı, kúdikti sońǵy tórt jyl boıy qala aýmaǵynda qyzmet atqaryp júrgen Aqtaý qalasynyń turǵyny bolyp shyqty. Er adam buryn sotty bolǵan. Ol ózin jumystan bosatqan basshysynan ósh almaq bolyp, jalǵan habarlama bergenin aıtyp aqtalǵan. Qazirgi ýaqytta oǵan qatysty QR QK 273-baby boıynsha sotqa deıingi tergep-tekserý amaldary júrgizilýde. Kúdikti ýaqytsha ustaý ızolıatoryna qamaýǵa alynǵan.

«Jyl basynan terrorızm aktisi týraly jalǵan habarlama berý boıynsha eki derek tirkelgen. QR QK 273-babynda kózdelgen rette terrorızm aktisi týraly kórineý jalǵan habarlama taratqan tulǵaǵa bes myń aılyq eseptik kórsetkish mólsherinde aıyppul salýǵa, ne sol mólsherde túzeý jumystaryna, ne bes jylǵa deıingi merzimde bas bostandyǵyn shekteýge, ne sol merzimge bas bostandyǵynan aıyrýǵa jazalanatynyn eskertemiz», dedi Atyraý oblysy Polısııa departamenti bastyǵy Qamza Úmbetqalıev.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar