AR MEN ABYROI

Týǵan jerdiń bir shókim to­py­raǵy men jýsanynyń ıisin qasıet tutyp, qasterlegen halyqpyz. So­dan da shyǵar, qıyn-qystaý kezde eriksiz shildeı shashylyp, shetel asqan qandastarymyz táýelsizdik alǵannan bergi kezeńde elim, jerim dep kóshin Qazaqstanǵa burǵany. Olar jańa ortaǵa  beıimdelý, bú­gingi qoǵamdaǵy keıbir erekshelik pen qıyndyqqa kezigetinderin sezingenderi de anyq. Soǵan qara­mastan, júrek túpkirindegi qazaqy bula sezim, ultjandylyq tastúıin bekinýge jol ashty. Elbasynyń olardy qamqorlyqsyz qaldyr­maı­tynyna sendi, urpaǵynyń bola­sha­ǵyn bárinen joǵary qoıdy. Qandastarymyz jaıly nege  aıtyp otyr deısiz ǵoı. Buqaralyq aqparat quraldarynda jeke basyn Otanynan  artyq kóretin “shirigen jumyrtqalar” jaıly jıi ja­zy­lyp júr. Qaltasyn dollarǵa tol­ty­ryp,  shetel asyp, qazaqtyń baı­lyǵyn ózge eldiń bankine sal­ǵandar joq emes, bar. Oralmandar atamekenge jetkenine qýansa, baılar shetel asqanyn “mártebe” kóretin sekildi. “Bardan – peıil, jaqsydan – meıir” demekshi, qazaq naryqtyń parqyn, narqyn túsindi. Eldiń, jerdiń mártebesin bárinen bıik ustap keledi. Deıtursaqta, táýel­sizdik alǵannan bergi kezeńde “eki jep, bıge shyqqandar”, baılyqty ar men abyroıdan bıik sanaǵandar qatary kóbeıgeni  qynjyltady. Jaman ádet – jabysqaq. Endi azamattarymyz emes, áıel zaty da osy jat ádetke barǵanyn estip qalamyz. Mundaı ulttyq qundy­ly­ǵymyzǵa jat, adamgershilik qa­sıetten alshaq derekter jas urpaq úshin dertten de jaman. Shetelde oqyǵandardyń arasynda da “jaq­sy ómirdi” qımaı, ebin taýyp, jat jurttyń esiginde qalyp jatqandar da kezdesedi. Eljandylyq qasıet – Ota­ny­na, halqyna degen adal qyzmetpen ólshenedi. Qazaq memleketiniń irgetasynyń beriktigi ultjandy, batyl, jan-jaqty bilimdi azama­ty­na baılanysty ekeni taǵy aqıqat. Olaı bolsa, baılyq ar men abyroıdan bıik emes ekenin túısinsek kerek. Kúmisjan BAIJAN, Almaty oblysy.