TOKYO2020 • 23 Shilde, 2021

Tokıo-2020: Qazaqstan UOK sportshylardy qoldaý maqsatynda beınebaıan shyǵardy

230 ret kórsetildi

23 shilde kúni, Tokıo Olımpıadasynyń ashylý saltanaty qarsańynda Qazaqstan Ulttyq Olımpıadalyq komıteti olımpıadaǵa attanǵan sportshylardy qoldaýǵa arnalǵan án men beınebaıannyń tusaýkeserin jasady, dep habarlaıdy Egemen.kz UOK baspasóz qyzmetine silteme jasap.

«Arnaý» ánine arnalǵan beınebaıanǵa ánshi Roza Rymbaeva, sazger Renat Gaısın, Ninety One toby, Marsel, Álı Oqapov, Aıdana Medenova, Qaraqat Bashanova, Dınaıa jáne Mádı Syzdyqov tústi.

«Qazaqstandyqtardyń sporttaǵy jetistikteri elimizdiń tarıhyna altyn áriptermen jazyldy. Olar shabyttandyrady, qýat beredi jáne myńdaǵan otandastarymyzdyń maqtanyshyna sebep bolady. Olımpıada oıyndarynyń ashylý saltanaty ótetin kúni biz sportshylarymyzǵa biz árdaıym qoldaıtynymyzdy, jankúıerlerdiń mańyzdy jarysqta máre syzyǵynda daıyn turǵan sportshylardyń árdaıym janynan tabylatynyn jetkizgimiz keledi», dedi  Ulttyq Olımpıadalyq komıteti #teamKZ-tiń «Bir el - bir komanda» ustanymyn eske ala otyryp.

Ánniń negizi retinde Renat Gaısın jazǵan Ulttyq Olımpıadalyq komıtettiń ánurany alyndy, al mátinin Mıras Qaldymurat jazǵan.

Ánurannyń qaıyrmasy olımpıadashylarǵa arnaý retinde aıtylady. Odan bólek, «Arnaý» ánin jaryqqa shyǵarýǵa Álı Oqapov, Batyrhan Málikov, Danııar Qulymshın, Azamat Ashmaqyn úles qosty. Al án mátinin Danııar О́tegen, Dýlat Muhametqalıev jáne Alekseı Maklaı jazdy.

Vıdeoklıpte ánniń negizi maǵynasy saqtalǵan. Al fonda tanymal qazaqstandyq sportshylardyń jarqyn sátteri beınelenedi. Atap aıtar bolsaq, boksshy Vasılıı Levıttiń jekpe-jegi, Dmıtrıı Balandınniń fınaldaǵy jeńisti sáti, dzıýdoshy Eldos Smetovtiń beldesýinen úzindiler, gımnast Mılad Karımıdiń óner kórsetken sáti, sporttyq quzǵa órmeleýden Rıshat Haıbýllın men boksshy Nadejda Rıabestiń jattyǵýy, Aleksandr Vınokýrovtyń Olımpıadadaǵy jeńisi men Bekzat Sattarhanovty marapattaý sáti kórinis tapqan.

Mýzykalyq týyndy men beınebaıan qazaqstandyq sporttyń dańqyn odan ári asyryp, Tokıo Olımpıadasynan tys kezderde de qoldanylady. Bul el sportynyń ótkeni men búgini jáne úmitke toly  bolashaǵyna qatysty týyndy.

23 shilde kúni 2020 jylǵy Olımpıada oıyndarynyń ashylý saltanaty ótedi. Qazaqstan Ulttyq Olımpıadalyq komıteti jankúıerlerdi otandyq sportshylardy eń sońyna deıin qoldaýǵa shaqyrdy. 

Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar