«Qazaqstan Respýblıkasy Prezıdenti Ákimshiligi kelisimimen jáne ákimniń ókimimen Batys Qazaqstan oblysy ákiminiń orynbasary bolyp Meńdiǵalıev Temirhan Jalǵasuly taǵaıyndaldy» delingen oblys ákiminiń baspasóz qyzmeti taratqan habarlamada.
Jańa orynbasar 1973 jyly týǵan, osy oblystyń týmasy. Batys Qazaqstan aýyl sharýashylyǵy ınstıtýtyn, Máskeý avtomobıl-jol ınstıtýtyn «ınjener», «ınjener-mehanık» mamandyqtary boıynsha támamdaǵan. Ár jyldary Oral qalasyndaǵy «Metallıst» zaýytynda – tokar, «Oralavtojol» kásiporynda bas jetekshi, bas maman, «Qazaqavtojol» RMKK Batys Qazaqstan oblystyq fılıalynyń bólim bastyǵy, Qazaqstan Respýblıkasy Kólik jáne kommýnıkasııalar mınıstrligi Avtomobıl joldary komıteti Batys Qazaqstan oblystyq avtomobıl joldary basqarmasynda jaýapty qyzmetter atqarǵan. Qazaqstan Respýblıkasy Kólik jáne kommýnıkasııalar mınıstrligi Avtomobıl joldary komıteti Tóraǵasynyń orynbasary, «QazAvtoJol» ulttyq kompanııasy» AQ BasqarmaTóraǵasynyń orynbasary bolǵan. 2020 jyldan Oralǵa kelgenge deıin «Ulttyq jol aktıvteri sapasy ortalyǵy» RMK memlekettik esepke alý departamentiniń dırektory qyzmetin atqarǵan.
Sondaı-aq búgin 2019 jyldan beri Batys Qazaqstan oblysy ákiminiń birinshi orynbasary qyzmetin atqaryp kelgen Mankeev Muhtardyń «basqa qyzmetke aýysýyna baılanysty» laýazymynan bosaǵany habarlandy. Keıbir derekterge qaraǵanda ol Nur-Sultan qalasyna, Samuryq-Qazyna Ulttyq ál-aýqat qoryna aýysqan.
