Elorda • 26 Shilde, 2021

Nur-Sultanda qoǵamdyq tamaqtaný oryndarynyń jumys ýaqyty qysqardy

21 ret kórsetildi

Búgin, ıaǵnı 26 shildede elordanyń bas memlekettik sanıtarlyq dárigeriniń Nur-Sultandaǵy karantındik sharalardy qatańdatý týraly jańa qaýlysy kúshine endi. Onyń negizinde qaladaǵy qoǵamdyq tamaqtaný nysandarynyń – dámhanalardyń, meıramhanalardyń, kofehanalardyń jáne ashanalardyń jumys tártibi ózgerdi, dep habarlaıdy elorda ákimdiginiń resmı saıty.

Jańa qaýlyǵa sáıkes meıramhanalar, dámhanalar, kofehanalar, sol sııaqty ashyq aýada jumys isteıtin oryndar ornalasqan jerine qaramastan, endi dúısenbi-juma kúnderi tańǵy saǵat 7-den 12:00-ge deıin jumys isteıdi. Al senbi jáne jeksenbi kúnderi jumys isteýine tyıym salynady.

Bul rette «Ashyq» jobasy aıasynda jumys isteıtin mekemeler dúısenbi-juma aralyǵynda saǵat 07.00-den 17.00-ge deıin jumys istese, senbi-jeksenbi jumys isteýine tyıym salynady. Al tamaqty jetkizý jáne ózimen birge alyp ketý shtattyq rejımde júrgiziledi.

Sol sııaqty ashanalardyń jumys isteý ýaqyty da ózgerdi. Olarǵa kelýshilerdi dúısenbi-juma kúnderi tańǵy 7-den 17:00-ge deıin qabyldaýǵa ruqsat etiledi.

Esterińizge sala keteıik, QR aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııa otyrysynyń hattamasyna sáıkes elordanyń bas sanıtarlyq dárigeriniń karantındik sharalardy qatańdatý týraly qaýlysy qabyldandy.

Sońǵy jańalyqtar

Kabýlda jarylys boldy

Oqıǵa • Keshe

Almatyda baqylaý kúsheıtildi

Koronavırýs • Keshe

Tiliksiz ota jasaldy

Medısına • Keshe

Uqsas jańalyqtar