Oblystyq TJD málimetinshe, qaýipsizdik sharalaryna sáıkes sý janynda demalýǵa tek demalys bazalarynda ǵana ruqsat etilgen. Alaıda aımaq turǵyndary oqshaý jerlerde, shomylý tyıym salynǵan jaǵajaılarda ýaqyt ótkizýdi jón kóredi. Qutqarýshylar mundaı jerlerde sý túbiniń landshaftyn bilmeý qaýipi bar ekenin atap ótti.
«Keıbir ýchaskede sý túbi kórinbeıdi. Sý aǵyny jaǵany shaıyp, topyraǵyn aǵyzyp áketedi. Bul degeniń bir jyl buryn tizeden aspaıtyn jer qazirgi ýaqytta tereń bolyp shyǵýy múmkin.
Demalý úshin osyndaı qaýipti ýchaskeni tańdaý taǵy bir qaıǵyly jaǵdaıǵa sebepshi boldy. Keshe, Novostroıka aýylynda, Buqtyrma sý qoımasynyń jaǵasynda tyıym salynǵan jerde shomylyp, 37 jastaǵy kelinshek sýǵa batyp ketti», delingen habarlamada.
Oblystyq TJD turǵyndarǵa ruqsat etilmegen sý qoımalaryna barmaýǵa keńes beredi.
«Demalys úshin tek jabdyqtalǵan shomylý oryndaryn tańdaý kerek, onda sý aıdynynyń túbi aldyn ala tekserilgen jáne qutqarýshylar beketi bar. Sýda demalýdy tańdaǵanda saq bolyńyz. Balalardy qaraýsyz qaldyrmańyz. Tótenshe jaǵdaı týyndaǵan kezde 112 nómirine jedel túrde habarlasý kerek», delingen habarlamada.
