23 shildede Aqmola oblysy polısııa departamenti Krımınaldyq polısııa basqarmasynyń qyzmetkerleri balany satyp alý-satý faktisin anyqtaǵan.
«Zańsyz mámile týraly jedel aqparat oblystyq krımınaldyq polısııa basqarmasyna kelip tústi. Olar óz otbasyna bir jarym aılyq qyzdy alǵan balasyz erli-zaıyptylardy anyqtap, izdestirdi. Mámile Aqmola oblysynyń aýmaǵynda turatyn erli-zaıyptylar men buryn QR QK 188-babynyń 1-bóligi «Urlyq» jáne QR QK 190-babynyń 1-bóligi «Alaıaqtyq» boıynsha qylmystyq jaýapkershilikke tartylǵan balanyń 27 jastaǵy anasy arasynda júzege asyrylǵan», dep atap ótti vedomstvoda.
Jańa týǵan náresteniń anasyna 1 mln teńge kóleminde aqsha berilgen.
Atalǵan fakti boıynsha sotqa deıingi tergeý amaldary bastaldy. QR QK 135-i baby («Adam saýdasy»), qylmyskerdiń múlkin tárkileı otyryp, jeti jyldan toǵyz jylǵa deıingi merzimge bas bostandyǵynan aıyrý túrindegi eń joǵarǵy jazany kózdeıdi.
