Kóz tartar kórkem álem

Elena Sergeevnanyń kór­kemdik dúnıetanymynyń erek­shelikterin onyń qol­tań­basynan anyq ańǵarýǵa bolady. Sýretshiniń jan dú­nıesinde álem týraly jáne óziniń sezimderi jaıly ár túrli tilderde sóıleı alatyn aqyn ómir súredi dersiz. Týyndygerdiń Á.Qasteev atyndaǵy óner mýzeıinde ashyl­ǵan «Kóz tartar shynaıy álem» kórmesi tirshilik boıaýlary men adam kó­ńi­liniń ishki yrǵaqtaryn shy­naıy jetkize bilgen. Onyń ómiri óner­den óris taýyp, qorshaǵan álemniń sulý­­lyǵyna tájim etýmen qanyq­qan.

– Sýretshi sheksiz tańdaný men tabıǵat kórinisteriniń baılyǵyna súısiný darynyna ıe. Onyń qylqalamy bú­kil tirshilik bólshekteri men máńgilikti, tipti bir sáttik boıaýlardyń ózin us­tap alýǵa jáne jazyp alý­ǵa yqylasty. Sýretshi úshin bar­lyq naqtylyq qaı­ta­lanbas súıkimdilikte jatyr. Beı­sembınova alma, órik bu­taǵyn nemese sáldegúl sulýlyǵyn kór­setý arqyly, óziniń jaryq álemge degen súıispenshiligin ańǵartady. Ol ne jazsa da ja­nymen jazatyn sheber. Kór­mege mýzeı qorynan jáne avtordyń jınaǵynan alynǵan 90-nan astam týyn­dy qoıyldy, – deıdi kórme jetekshisi Kúljazıra Muqa­janova.

Elena Beısembınova Sa­ratov qalasynda dúnıege kelgen. Máskeýdiń joǵary kór­­kemdik-ónerkásiptik ýchı­lıshesin (bu­rynǵy Stroga­nov­skoe) bitirgen.

Oqýdy bitirgennen keıin, jubaıy Arsen Beı­sem­bı­novpen birge Almatyǵa keldi. Sol kezden bastap onyń ómi­ri men shyǵarmashylyǵy Qa­­zaqstanmen, dálirek aıt­saq, Almatymen tyǵyz baı­­lanysta. Eske salsaq, Ele­na Beısem­bınova áıgili keńestik sýretshi Tatıana Iаb­lon­skaıanyń qyzy. Iаb­lonskaıany zamanynda tutas TMD-ǵa tanymal etip, túrli jýrnaldardyń muqabasyna jappaı jarııalanǵan «Tań­er­­­­­­teń» dep atalatyn kar­tı­nanyń basty keıipkeri de qyzy Elena. Atalǵan týyndy týraly gazetimizdiń 2018 jyldyń 18 maý­symyndaǵy sanynda «Tań shapa­ǵyna shomylǵan tanys qyz» atty maqa­lamyzda keńirek jazǵan bolatynbyz.

ALMATY