Aımaqtar • 27 Shilde, 2021

Qyzylorda oblysynda 18 kene shaǵý faktisi tirkeldi

22 ret kórsetildi

Qyzylorda aımaǵy Kongo-Qyrym gemorragııalyq qyzbasynyń tabıǵı oshaǵynda ornalasqan. О́ńirdegi 113 eldi meken qolaısyz aımaqqa engen. Jyl basynan beri 288 turǵyn kene shaǵý boıynsha medısınalyq kómekke júgingen. Kúdikti dep 18 jaǵdaı esepke alynsa, onyń 11 jaǵdaıy naqtylandy. Bul týraly búgin óńirlik kommýnıkasııalar qyzmetinde ótken baspasóz konferensııasynda oblystyq sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova málimdedi, dep habarlaıdy Egemen.kz  «Syr boıy» basylymyna silteme jasap.

 

Epıdmaýsymnyń bastalýyna oraı qolaısyz eldi mekenderde asa qaýipti juqpaly aýrýǵa qarsy entomolog mamandardan turatyn 3 arnaıy jumysshy top zoologııalyq barlaý jumystaryn júrgizdi. Epıdemıologııalyq jaǵdaı áli de turaqsyz. Qyzylorda qalasy, Qarmaqshy, Syrdarııa, Shıeli aýdandary boıynsha oshaqtar belsendiliginiń artýy baıqalýda. «Osy jyly 288 turǵyn kene shaǵý boıynsha medısınalyq kómekke júgingen, bul byltyrǵy jyldyń osy merzimimen salystyrǵanda 30 jaǵdaıǵa kóbeıgen. Kongo-Qyrym gemorragııalyq qyzbasynyń 11 faktisi tirkeldi. Atap aıtqanda, Qarmakshyda – 1, Syrdarııa, Shıeli aýdandarynda-3 jaǵdaıdan jáne Qyzylorda qalasynda 4 derek», – dedi Álııa Mútálipqyzy.

Aıta ketý kerek, búginde oblystaǵy medısınalyq mekemelerde KQGQ-men aýyratyn naýqastardy emdeý úshin vırýsqa qarsy preparattar, ımmýndalǵan plazma jáne t.b. qajetti qural-jabdyqtar qory jetkilikti.Degenmen, epıdmaýsymnyń bastalǵanyna qaramastan turǵyndar mal sharýashylyǵymen aınalysqanda saqtyq sharalaryna mán bermeıdi, kene shaǵý jaǵdaıynda der kezinde meısınalyq kómekke júginbeý saldary asa aýyr jaǵdaıǵa soqtyrýy múmkin. Ár adam óz densaýlyǵyna barynsha muqııat bolýy tıis.

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar