FOTO: Salı Sabırov, Qazaqtan UOK baspasóz qyzmeti
Karımı irikteý qorytyndysy boıynshy úsh fınaldyq synǵa joldama aldy. Atap aıtar bolsaq, qazaqstandyq gımnast kópsaıys, erkin jattyǵý jáne gıımnastıkalyq kermedegi jattyǵýdan aqtyq synǵa ótken bolatyn.
Mılad kópsaıystaǵy alǵashqy jattyǵýdy shyǵyrshyqta oryndap, 12. 866 upaı jınady. Keıin qol tirep sekirýden 14.066, qossyryqtaǵy jattyǵýdan 13.966 upaı enshiledi.
Gımnastıkalyq kermedegi jattyǵýdan 13.333 upaı enshilese, erkin jattyǵýdan 15.055 upaıǵa qol jetkizdi. Bul osy jattyǵý boıynsha barlyq fınalıster arasyndaǵy joǵary nátıje ekenin aıta ketken jón.
Mılad gımnastıkalyq at snarıadyndaǵy jattyǵýy úshin 13.266 upaı, jalpy esebi 82.530 upaı jınap, qorytyndy esepte 14-shi oryn aldy.
Kópsaıystaǵy altyn júldeni japonııalyq Daıkı Hashımıto (88.465) enshiledi. Kúmis medal qytaılyq Rýoten Sıaonyń (88.065), qola medal reseılik Nıkıta Nagornyıdyń (88.031) enshisinde.
Aıta ketelik, erkin jattyǵý boıynsha fınaldyq kezeń 1 tamyzda, gımnastıkalyq kermedegi jattyǵý boıynsha aqtyq syn 3 tamyzda ótedi.
