Nur-Sultandaǵy epıdemıologııalyq jaǵdaıǵa baılanysty qyzmettiń barlyq túrine júkteme túsip keledi. Jedel járdem qyzmetine táýligine 4 myńǵa deıin qońyraý túsedi, al shaqyrý sany 3 myńnan asady, onyń ishinde KVI boıynsha 300-ge deıin jetedi.
Qala turǵyndaryna yńǵaıly bolý úshin baılanys telefondary quryldy. Osy arqyly koronavırýstyq ınfeksııaǵa qatysty suraqtaryna jaýap ala alady.
«Qala turǵyndary tarapynan mobıldi toptardyń jumysy, ýchaskelik dárigerlerge qońyraý shalý boıynsha kóptegen ótinish tústi. Qazir densaýlyq saqtaý mekemesiniń árqaısysyna úlken júkteme túsip otyr. Dárigerler kúnine 3 myńnan astam naýqasty úıinde tekseredi. Osyǵan baılanysty qala turǵyndaryna túsinistik tanytýyn suraımyz. Eger ózińizde aýrýdyń sımptomsyz túri bolsa, fıltr-kabınetterge, óz emhanańyzdyń call-ortalyǵyna habarlasýyńyzdy suraımyz», - deıdi qalalyq Qoǵamdyq densaýlyq saqtaý basqarmasy.
Qoǵamdyq densaýlyq saqtaý basqarmasynyń resmı saıtynda kórsetilgen mańyzdy telefon nómirlerin osy silteme arqyly júktep alýǵa bolady.
