2021 jyldyń I jartyjyldyǵynda Nur-Sultan qalasynda 5, 43 mlrd teńge somasyna 438 057 tegin resept boıynsha 147 173 pasıent tegin dári-dármekpen qamtamasyz etildi. Bul jóninde Áleýmettik-medısınalyq saqtandyrý qorynyń Nur-Sultan qalasy boıynsha fılıalynyń dırektory Nurlybek Qabdyqaparov ZOOM platformasynda ótken baspasóz máslıhatynda málimdedi.
Onyń aıtýynsha, qor densaýlyq saqtaý basqarmalarynyń aldynda dári-dármekpen qamtamasyz etýge jatatyn barlyq pasıentterdi qamtý týraly máseleni birneshe ret kótergen.
«Bıyl bul máseleni sheshýde ilgerileý bar, aldaǵy ýaqytta da bul problemaǵa monıtorıng júrgiziletin bolady. Sebebi, bizdiń qor pasıentterdi dári-dármekpen qamtamasyz etýdi qarjylandyrý boıynsha SQ-Farmasııa jáne medısınalyq uıymdar aldyndaǵy óz mindettemelerin tolyq oryndaıdy», dedi ol fılıal dırektory.
