Prezıdent • 29 Shilde, 2021

Ashat Aımaǵambetov Prezıdentke jańa oqý jylyna daıyndyq týraly esep berdi

114 ret kórsetildi

Memleket basshysy Bilim jáne ǵylym mınıstri Ashat Aımaǵambetovti qabyldady, dep jazady Egemen.kz Aqordaǵa silteme jasap.

Foto: Aqorda

Mınıstr Qasym-Jomart Toqaevqa bilim jáne ǵylym salasyn damytý jónindegi tapsyrmalardyń oryndalýy jáne jańa oqý jylyna daıyndyq barysy týraly esep berdi. Dástúrli oqý formatyna oralý úshin júrgizilip jatqan uıymdastyrý sharalary týraly baıandady. «Bilimdi Ult» ulttyq jobasynyń daıyndalýy, Joldaýda jáne Ulttyq qoǵamdyq senim keńesiniń otyrystarynda berilgen Prezıdent tapsyrmalarynyń oryndalýy jaıynda málimet berdi.

Ashat Aımaǵambetovtiń aıtýynsha, Ulttyq qoǵamdyq senim keńesiniń otyrystarynda berilgen tapsyrmalardyń 43 paıyzy bilim jáne ǵylym salasyna qatysty. «Oqýǵa qushtar mektep» jobasynyń aıasynda mektep kitaphanalarynyń qyzmetin qaıta qalyptastyrý jáne kórkem ádebıet pen balalar ádebıetin satyp alý jumystary atqarylyp jatyr. Sondaı-aq erekshe qamqorlyqty qajet etetin balalardy qoldaý jumystary júrgizilip jatyr.

Bilim jáne ǵylym mınıstri Memleket basshysyna vedomstvony kásibı kadrlarmen, sonyń ishinde, álemniń jetekshi ýnıversıtetteriniń túlekterimen jáne jastar kadrlyq rezerviniń múshelerimen kúsheıtý úshin júrgizilip jatqan jumystar týraly aıtty. Sondaı-aq sapasyz joǵary oqý oryndaryn jabýǵa qatysty Prezıdent tapsyrmalarynyń oryndalýy jóninde málimet berdi.

Memleket basshysy mınıstrge bul baǵyttaǵy jumystardy kúsheıtýdi, sondaı-aq, sapasyz ýnıversıtetterdiń lısenzııasyn qaıtaryp alý jáne olardyń jumys isteýine merzim belgileý rásimderin jeńildetý úshin zańnamalyq turǵydan túzetýler engizý máselesin qarastyrýdy tapsyrdy.

Qasym-Jomart Toqaev memlekettik joǵary oqý oryndary qyzmetkerleriniń eńbekaqysyn bıylǵy 1 qyrkúıekten bastap arttyrý mańyzdy ekenin atap ótti.

Sonymen qatar Prezıdent oqýshylar arasynda ótetin Halyqaralyq olımpıada jeńimpazdaryn qoldaý sharalaryn ázirleýdi tapsyrdy.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar