Bul jóninde Astana medısınalyq ýnıversıtetiniń bastaýysh kásipodaq uıymynyń tóraǵasy Erjan Quspaev óziniń Facebook paraqshasynda jazdy.
Shilde aıynyń ortasynda Astana Medısına ýnıversıtetiniń 17 stýdenti men úsh oqytýshysy Túrkııaǵa taǵylymdama baǵdarlamasy boıynsha attandy. Qazaqstandyqtar Antalıa qalasynda oqyp, tamyzdyń basynda otanyna oralýǵa daıyndala bastady. Alaıda, 28 shildede oryn alǵan órt Manavgat turǵyndaryn qıyn jaǵdaıda qaldyrdy. Osyǵan baılanysty Antalııanyń ártúrli bólikterinde zardap shekkenderge gýmanıtarlyq kómek qabyldaý pýnktteri uıymdastyryldy.
«Kýrorttyq qalalardyń aýmaǵynda, ásirese Antalııanyń mańynda orman órtteri órship turdy. О́kinishke qaraı, zardap shekkender men qaza tapqan adamdar bar. Sol kúnderi biz Antalııada boldyq. О́rtten zardap shekkenderge kómek qajet bolǵan kezde biz shette qol qýsyryp otyra almadyq», dedi Halyqaralyq jazǵy mektep úılestirýshileriniń biri Erjan Quspaev.
Onyń aıtýynsha, órt shyqqan kúni qazaqstandyqtar gýmanıtarlyq kómek kórsetý ortalyqtarynyń birine attanyp, jergilikti eriktilerge Antalııa turǵyndarynan gýmanıtarlyq kómek túsirýge jáne oqıǵa ornyna zattardy jiberýge kómektesti.
«Biz úsh saǵattan astam ýaqyt boıy zardap shekkenderge azyq-túlik pen sýsyn ákelgen qarapaıym turǵyndardyń kólikterin túsirdik. Ár saǵat saıyn úlken júk kóligi jınalǵan jerden gýmanıtarlyq kómekpen Manavgatqa qaraı bet aldy. Bul aımaq Antalııadan eki saǵattyq jerde ornalasqan. Biz zardap shekkenderge qandaı da bir kómek kórsete alǵanymyzǵa qýanyshtymyz», dep qosty ol.
