Bıýro usynǵan málimet boıynsha, 2021 jyldyń II toqsanynda bir jumyskerdiń ortasha aılyq ataýly jalaqysy 251 508 teńgeni qurady. Ataýly jalaqy ındeksi 2020 jyldyń tıisti toqsanyna 118,6%-dy, naqty jalaqy ındeksi 110,4%-dy qurady.
Salalyq qurylymda eń joǵary ataýly jalaqy qarjy jáne saqtandyrý qyzmetinde – 472,5 myń teńge (ortasha respýblıkalyq deńgeıden 1,9 ese joǵary), taý-ken óndirý ónerkásibinde jáne karerlerdi qazýda – 461,8 myń teńge (1,8 ese), kásiptik, ǵylymı jáne tehnıkalyq qyzmet salasynda – 356,7 myń teńge (1,4 ese), aqparat jáne baılanys salasynda - 338,6 myń teńge (tıisinshe 1,3 ese) tirkelgen.
Ortasha aılyq nomınaldy jalaqynyń tómen deńgeıleri aýyl, orman jáne balyq sharýashylyǵy salalarynda – 145,6 myń teńge jáne qaldyqtardy jınaý, óńdeý jáne joıý, lastanýdy joıý boıynsha qyzmet salalarynda – 146,5 myń teńge baıqaldy.
«О́ńirlik bóliniste eń joǵary ortasha aılyq ataýly jalaqy Atyraý oblysynda belgilendi - 398,5 myń teńge. Bul ortasha respýblıkalyq kórsetkishten 1,6 ese joǵary. Soltústik Qazaqstan oblysynda onyń kólemi 189,8 myń teńgeni qurady. Bul el boıynsha ortasha deńgeıden 24,5%-ǵa tómen», delingen Bıýro aqparatynda.
