Qazaqstan • 30 Shilde, 2021

Aýyl sharýashylyǵy mınıstri Qyzylorda oblysyna bardy

178 ret kórsetildi

Aýyl sharýashylyǵy mınıstriniń mindetin atqarýshy Erbol Qarashókeev eki kúndik issaparmen Qyzylorda oblysynda júr, dep jazady Egemen.kz vedomstvonyń baspasóz qyzmetine silteme jasap.

Foto baspasóz qyzmetinen

Sapardyń birinshi kún mınıstr Aral aýdanynyń qurǵaqshylyqtan zardap shekken aýyldaryn aralap, jergilikti halyqpen kezdesti. Sharýalardyń tynys-tirshiligimen tanysyp, aýyl aqsaqaldarynyń ótinish-tilegin tyńdady. Sondaı-aq, memleket tarapynan kórsetiletin kómek jaıly aıtyp, turǵyndardyń suraǵyna jaýap berdi.

Búgin Jalaǵash, Syrdarııa, Shıeli jáne Jańaqorǵan aýdandaryn aralady. Jalaǵash aýdanyndaǵy «Baıtabyn» sharýashylyǵynyń shóp jınaý daıyndyǵymen tanysty, keıin Syrdarııa aýdanyndaǵy jońyshqa egetin «Maǵjan jáne K» seriktestiginiń jumysyn baǵamdady.

Shıeli aýdanyna jetken Erbol Qarashókeev Aral aýdanyna kómek retinde shóp jóneltip jatqan «Bıdaıkól» sharýa qojalyǵynyń basshysymen kezdesip, qurǵaqshylyqtan zardap shekken aýdanǵa kómek kórsetkeni úshin alǵys bildirdi.

«О́zderińiz bilesizder, Aral aýdanynyń sharýalary bıyl qurǵaqshylyqtan qatty zardap shekti. Bizdiń qolǵa tıgen derek boıynsha, 559 bas mal shyǵyn bolǵan. Osydan keıin aýdan ákimdiginiń tótenshe jaǵdaı jarııalaýyna týra keldi. Qazir másele retimen sheshilip keledi. Oblystyń bes aýdanynan jáne Aqtóbe oblysynyń Yrǵyz aýdanynan mal azyǵy jetkiziletin boldy. Ol úshin kelisim jasaldy. Men jergilikti bılikke osy múmkindikti paıdalanyp, tez arada mal azyǵy qoryn jınap alýdy tapsyrdym. Búgingi tańda Qyzylorda oblysy ákimdiginiń rezervinen 250 mln teńge bólindi, onyń 49,5 mln teńgesi shóp tasıtyn kólik shyǵynyn kóterýge jumsalady. Jalpy, bul jaǵdaı mınıstrliktiń turaqty baqylaýynda bolady», dedi E.Qarashókeev.

Mınıstrdiń mindetin atqarýshy mal sýaratyn qudyq salý jáne sý bógetterin qalpyna keltirý jumystary týraly da aıtty. Mal azyǵynyń qymbattaýyn da nazardan tys qaldyrmady.  E.Qarashókeevtiń aıtýynsha, «Qazaqstan temir joly» ulttyq kompanııasy basqa óńirlerden jem-shóp tasymaldaýǵa arnaıy jeńildik beretin boldy.

«Búgingi kúni oblysta 347 myń tonna mal azyǵy daıyndaldy, bul qajettiliktiń 45%-yn quraıdy. О́ńirde jumysty úılestiretin oblystyq jáne aýdandyq shtab quryldy. Mal azyǵyn daıyndaý jáne qamtamasyz etý jóninde oblystyq jospar bekitildi. Soǵan sáıkes, arnaıy shóp daıyndaý brıgadalary, eriktiler, «Jasyl El» stýdenttik otrıadynan jastar da kómekke kelip jatyr. Myńǵa jýyq adamnyń qatysýymen 114 brıgada qurylyp, 170 aýyl sharýashylyǵy tehnıkasy tartyldy», dedi vedomstvo basshysy.

E.Qarashókeev Qyzylorda oblysyna jasaǵan saparynyń sońynda Jańaqorǵan aýdanyndaǵy alma baǵyn baptap otyrǵan «Jan-Araı» seriktestigi, qus sharýashylyǵymen aınalysatyn «Abdýlla» sharýa qojalyǵy jáne mal sharýashylyǵymen aınalysatyndarǵa jem-shóp daıyndaıtyn «Nurbol I» sharýashylyǵynyń jumysymen tanysty.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar