Aımaqtar • 01 Tamyz, 2021

Ekpe men shekteý «tajaldy» tusaıdy

44 ret kórsetildi

Arqa tósinde epıdemııalyq jaǵdaıdyń ýshyqqany sondaı, 2 tamyzdan bastap oblystaǵy barlyq kásiporyn men uıym menshik nysanyna qaramastan Ashyq baǵdarlamasy boıynsha jumys isteýge mindetti bolady. О́ńirlik kommýnıkasııalar qyzmeti alańynda ótken brıfıngte osyndaı málimdeme jasaǵan oblystyń bas sanıtarlyq dárigeri Iýrıı Zalygın, sonymen qatar aldaǵy ýaqytta qaraǵandylyqtardy taǵy qandaı karantın sharalarynyń kútip turǵanyn egjeı-tegjeıli aıtyp berdi.

Búginde Qaraǵandy oblysyndaǵy epıdemııalyq jaǵdaı myń qubylyp tur. О́ńirdegi qalalar men aýdandarda «jaman tumaýdyń» joǵary kórsetkishi baıqalady. Máselen, oblys boıynsha koronavırýs ınfek­sııasynyń zerthanalyq negizde ras­talǵan 55 myńnan asa jaǵdaıy tir­kelgen. Mine, jaǵdaıdyń osylaı bolyp qalyptasýyna baılanysty, bas sanıtarlyq dárigerdiń sheshimimen Ashyq baǵdarlamasyna qatyspaıtyn barlyq kásiporyndar men uıymdardyń qyzmeti toqtatylatyn boldy.

Aıta ketý kerek, bul tizimge orta­lyq memlekettik organdar, ákim­dik­­ter, quqyq qorǵaý organdary, den­saýlyq saqtaý uıymdary, BAQ, azyq-túlik dúkenderi, dárihanalar jáne tir­shilikti qamtamasyz etý uıym­dary en­beıdi. Budan bólek qury­lys ju­mystaryn júrgizý úshin, óner­kásiptik ká­siporyndar, jekelegen qyz­met túr­leri bar bıznes-ortalyqtar úshin Ashyq qosymshasynsyz qyzmet etý­ge ruq­sat berilgen. Bul rette Ashyq qosym­­shasynyń kóshbasshylary ju­mys rejimin 22.00-ge deıin soza alady.

Ashyq rejimin buzǵan uıymdarǵa qoldanylatyn sharalardyń da qatań bolatynyn aıta ketý kerek. Máselen, ondaı jaǵdaıda olardyń qyzmeti esker­týsiz bir aı merzimge shekteledi. Al Ashyq baǵdarlamasy boıynsha qalǵan kásiporyndar demalys kún­derin qospaǵanda, saǵat 10.00-den 20.00-ge deıin jumys isteı alady. Bul sanatqa monshalar, saýnalar, SPA-ortalyqtar, basseınder, fıtnes-klýbtar, fıtnes-ortalyqtar, sonyń ishinde ıoga-ortalyqtar, teatrlar, konsert zaldary, fılarmonııalar, kınoteatr­lar jatady.

Sonymen qatar dárihanalardyń, sýpermarketter men azyq-túlik pa­vı­londarynyń ishinde ornalasqanda­ryn qospaǵanda, saýda ortalyqtary, saýda úıleri, azyq-túlikke jatpaıtyn taýarlardy ótkizetin saýda jelileri, kóterme-taratý ortalyqtary, saýda-fermer ortalyqtary, aýdany 1 myń­nan 2 myń sharshy metrge deıingi azyq-túlik emes dúkender de ortaq tártipke baǵynady.

Sondaı-aq Ashyq baǵdarlamasy boıynsha demalys kúnderin qospa­ǵanda, jabyq jáne ashyq bazarlar (azyq-túlik jáne ónim emes) saǵat 09:00-den 17:00-ge deıin jumys isteı­tin bolady. Demalys kúnderi qala ishindegi turaqty marshrýttyq avtobýstar men shaǵyn avtobýstardyń qoz­ǵalysy toqtatylady.

Oblystyń bas sanıtarlyq dári­geri Iýrıı Zalygın bul shekteý sha­ralarynyń karantındik re­jim­di ýaqytsha qamtamasyz etý jáne ha­lyqtyń qaýipsizdigi úshin engizilgenin aıtady. Búıtpese, koronavırýs ınfek­sııasy boıynsha jaǵdaıdy turaq­tandyrý múmkin bolmaıtyn túri bar.

– Epıdemııalyq ahýal jaqsarǵan jaǵdaıda ǵana bul shekteýler qaı­ta qaralatyn bolady. Barlyq karan­tın sharalaryn qatań saqtaýǵa, vak­sınalaýdyń tolyq kýrsynan ótýge jáne ózin ózi emdemeýge shaqyramyn, – dedi Iý.Zalygın.

Vaksına demekshi, oblysta 30 shil­dedegi jaǵdaı boıynsha koronavırýs ınfeksııasyna qarsy ekpeniń birinshi komponentin 380 793 adam alǵan eken. Al eki komponentti toly­ǵymen alǵan­dardyń sany 255 934 adamǵa jetken. Búginde óńirde tur­ǵyndardy vaksınalaý jumystary belsendi túrde júr­gizilýde.

Qazirgi ýaqytta oblystyń qala­lary men aýdandarynda ótkizý qabi­leti táýligine 8 myńnan asa adamdy qu­raıtyn 115 ekpe kabıneti jumys istep tur. Mobıldi medısınalyq brıgadalar kásiporyndar men uıymdarǵa barady. Oblystyq densaýlyq saqtaý basqarmasynyń basshysy Gamal Toq­sambaev óńirde vaksınanyń úsh túri – Spýtnık V, QazVac jáne CoronaVac preparattarynyń jetkilikti ekenin aıtady.

Al densaýlyq saqtaý basqarmasy basshysynyń orynbasary Bıbigúl Tólegenova ekpe alý boıynsha kósh basynda kúshtik qurylymdardyń tur­ǵanyn málim etti. Bul saladaǵy qyz­met­kerler túgelge derlik vaksı­na­lan­ǵan eken. Odan keıingi oryndarda me­dı­sına salasynyń, ónerkásiptik kásip­oryndardyń qyzmetkerleri ke­ledi.

Osy oraıda Bıbigúl Tólegenova vak­sına alǵan adamdar arasynda da aýyryp jatqandardyń bar ekenin aıtty. Máselen, búginde ekpe saldyrǵan 206 adam syrqatqa shaldyqqan. Bul jerde olardyń 73%-nyń tek birinshi komponentti alǵanyn atap ótý kerek. Al qalǵany ekinshi komponentti al­­ǵannan keıin eki aptaǵa jetpeı aýyr­ǵan. Iаǵnı olardyń aǵzalarynda tıis­ti ımmýnıtet qalyptasyp úlger­megen bolsa kerek.

Qazirgi tańda oblysta «jaman ­tu­maýmen» aýyrǵan naýqastarǵa ar­nal­­­ǵan 5 679 tósektik oryn bar eken. Jal­­py al­ǵanda júkteme 52,3%-dy qu­raı­dy.

Oblystyń bas dárigeri óńirde me­dı­sınalyq uıymdardyń mate­rıal­­dyq-tehnıkalyq bazasynyń ny­­ǵaı­tylǵanyn aıtady. Búginde 26 kom­pıýterlik tomograf jumys istep tur, onyń ishinde 22-si KVI bar pa­­sıentterdiń ókpe júıesiniń za­qym­danýyn dıagnostıkalaýǵa qaty­sady. Sonymen qatar 40 sandyq rent­gen-qondyrǵy, 364 О́JJ apparaty bar. 25 aýrýhanada medısınalyq gaz taratýdyń ortalyqtandyrylǵan júıesi jumys isteıdi. Táýligine 15,6 myń synamanyń táýliktik qýaty bar 10 PTR-zerthananyń jumysy qam­tamasyz etilgen. Qorda qosymsha 140 myń test bar eken.

Budan bólek pasıentterge úıde qyzmet kórsetý úshin sanıtarlyq avto­kólikpen qamtamasyz etilgen 329 emhanalyq mobıldi brıgada jumys isteıdi. Jedel medısınalyq kómekti 105 brıgada kórsetedi. Epıdemııalyq jaǵdaı nasharlaǵan jaǵdaıda, mar­shrýtqa taǵy 20 qosymsha brıgada shy­ǵarylady. Medısınalyq uıymdarda dári-dár­mekter men jeke qorǵaný qu­ral­darynyń úsh aıǵa jetetin qory bar.

 

Qaraǵandy oblysy

 

Sońǵy jańalyqtar

Kabýlda jarylys boldy

Oqıǵa • Keshe

Almatyda baqylaý kúsheıtildi

Koronavırýs • Keshe

Tiliksiz ota jasaldy

Medısına • Keshe

Uqsas jańalyqtar