Oqıǵa • 02 Tamyz, 2021

Jalǵan vaksına pasportyn satqan medısına qyzmetkerleri ustaldy

45 ret kórsetildi

Polısııa Shyǵys Qazaqstan oblysynda 30-dan astam adamǵa jalǵan vaksına pasportyn satqan medısına qyzmetkerlerin ustady, dep habarlaıdy Egemen.kz.

Bul týraly Ishki ister mınıstrliginiń baspasóz ókili Shuǵyla Turlybek vedomstvonyń aqparat alańynda ótken onlaın brıfıngide aıtty.

«Shyǵys Qazaqstan oblysynyń polıseıleri vasınalaý pasportyn qoldan jasap, satý áreketiniń jolyn kesti. Semeı qalasynda jedel izdestirý sharasyn júrgizý kezinde eki medısınalyq qyzmetkerdiń jalǵan qujat satyp, aqsha tappaq bolǵany anyqtaldy. Ol úshin qaladaǵy medısınalyq-áleýmettik mekemelerdiń birinde jumys isteıtin bir qyzmetker óziniń esepshotyna jekelegen azamattardan 15 myń teńge kóleminde aqsha qabyldap otyrǵan. Ol aqshanyń 10 myń teńgesi men qujatqa tapsyrys bergen azamattyń jeke kýáliginiń kóshirmesin jedel medısısnalyq járdem ortalyǵyndaǵy tanystaryna bergen. Olar álgi azamattardyń jeke málimetterin vaksına alǵan adam retinde derekter bazasyna engizgen», dedi IIM ókili.

Qazir atalǵan oqıǵa boıynsha qylmystyq is qozǵalyp, jalǵan pasport jasatqandardyń naqty sanyn anyqtaý jumystary júrip jatyr.

«Qylmystyq is aıasynda zańnan attaǵan azamattar anyqtalyp, tergelip jatyr. Ustalǵan mamandardyń aıtýynsha, olar 30-dan astam qala turǵynyna jalǵan vaksına qujatyn satqan. Biraq tergeýshi mamandardyń pikirinshe, bul san áldeqaıda kóp bolýy múmkin. Tergeý qorytyndysy boıynsha zańsyz jolmen bazaǵa engizilgen jalǵan málimetterdiń bári joıylady. ShQO polısııa departamentiniń basshysy Saǵat Mádıev aıtqandaı, medısınalyq qyzmetkerlerdiń bul áreketi Qylmystyq kodekstiń 385-baby boıynsha qaralyp jatyr. Bul bap 4 jylǵa deıin bas bostandyǵynan aıyrý jazasyn kózdeıdi», dedi Shuǵyla Turlybek.

Sońǵy jańalyqtar

«Qyzyl» aımaqta 2 megapolıs pen 4 oblys tur

Koronavırýs • Búgin, 11:20

Taǵy 1677 adamnan koronavırýs anyqtaldy

Koronavırýs • Búgin, 09:40

Qazaqstanda qansha adam vaksına saldyrdy?

Koronavırýs • Búgin, 09:00

9 sý qoımasy salynady

Ekologııa • Keshe

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

Uqsas jańalyqtar