Saıasat • 03 Tamyz, 2021

El Táýelsizdiginiń 30 jyldyǵyna arnalady

374 ret kórsetildi

Elimizde Qazaqstan Respýblıkasy Táýelsizdiginiń 30 jyldy­ǵyna arnalǵan is-sharalar ótkizý jalǵasýda. Táýelsiz­diktiń 30 jyldyǵynyń tamyz aıyndaǵy taqyryptyq jelisi – «Táýelsizdiktiń quqyqtyq negizderi. Quqyq ústemdigi jáne azamattyq qoǵam».

Osy aıdyń basty oqıǵalary Qazaqstannyń Konstıtýsııa kúni men Halyqaralyq ıadro­lyq synaqtarǵa qarsy is-qı­myl kúni bolyp tabylady. Eske sala keteıik, mereıtoı tu­jy­rymdamasyna sáıkes ár aı ózin­dik jeke taqyrypta ótedi. Atap aıtqanda, maýsym patrıotızm jáne memlekettik rámizder taqyryby aıasynda ótse, shilde «Elorda kúni. Nur-Sultan – tabys pen órkendeýdiń sımvoly» taqyrybynda ótti. Osy jyldyń basynan beri Táýelsizdiktiń 30 jyldyǵyn merekeleýdiń óńirlik josparlary aıasynda elimizde 7 myńnan astam is-shara ótkizildi. Qazaq­stan Respýblıkasy Táýel­siz­diginiń 30 jyldyǵyn mereke­leý­diń tamyz aıyndaǵy kestesi tarıhı damýdyń jalpyult­tyq baǵdaryn, sondaı-aq qazaq­stan­dyqtardyń quqyqtyq memleket ıdealdaryna beıildiligin aıqyn­daýda Konstıtýsııanyń mán-mańyzyn ashýǵa baǵyttalady.

Memlekettik organdar sanı­tarlyq normalarǵa sáıkes túr­li is-sharalar, onyń ishinde aza­mattyq qoǵam ókilderiniń qaty­sýymen dıalog alańdaryn, son­daı-aq kórmeler, patrıottyq ánderdiń baıqaýlary, jastar arasynda zııatkerlik oıyndar ótkizedi. «Táýelsizdik tarlandary» jobasy aıasynda «Halyq Qahar­many», «Eńbek Eri» ataq­taryna ıe bolǵan qoǵam jáne memleket qaıratkerlerimen on­laın-kezdesýler ótedi. Eli­mizdiń memlekettik organ bas­shy­larynyń, halyqaralyq uıym­dar, basqa elderdiń kons­tı­týsııalyq ádilet organdary men ǵylymı qoǵamdastyq ókil­deriniń qatysýymen Halyq­aralyq sımpozıým ótedi.

Sonymen qatar bıyl Semeı ıad­ro­lyq polıgonynyń jaby­lýy­na 30 jyl tolady. Esterińizge sa­la keteıik, bul Qazaqstan Res­pýb­­­lı­kasynyń Tuńǵysh Pre­zı­denti N.Á.Nazarbaevtyń 1991 jyl­ǵy 29 tamyzdaǵy Jar­ly­ǵy­nyń arqasynda múmkin bol­dy. Biz­diń elimiz álem tarıhyn­da pla­ne­tadaǵy ekinshi iri ıadrolyq sy­naq pol­ıgonyn jaýyp, qýat­ty­ly­ǵy boıynsha tórtinshi ás­ke­­rı ıadrolyq arsenaldan óz erki­men bas tartqan birinshi el boldy. Shyǵys Qazaqstan obly­syn­da Semeı ıadrolyq polı­gony ja­by­­lýy­nyń 30 jyl­dyǵyna ar­nal­­ǵan halyqaralyq is-shara – jyl saıynǵy «Medısına. Radıa­sııa. Densaý­lyq» ǵylymı konferensııa ótki­zi­ledi, sondaı-aq ıadro­lyq sy­naq­tardan zardap shekkender­ge ar­­nalǵan eskertkishke gúl qoıý rási­min uıymdastyrý jos­parlanǵan.

 

Daıyndaǵan

Joldybaı BAZAR,

«Egemen Qazaqstan»

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar