Qoǵam • 03 Tamyz, 2021

Kisi eńbegin elemeý – qııanat

24 ret kórsetildi

«Qyzyl aımaqtyń» qursaýynan shyǵa almaı otyrǵan óńir adamdary úshin ár tıyn esepte. Jan baǵyp otyrǵan jalaqylary ýaqtyly qoldaryna tımegennen keıin oryndy ókpe-nazdyń týyndaı beretini bar.

Jyl basynan beri oblys­taǵy 65 kásiporyn óz ju­mys­shylaryna tıisti eń­bek­­aqylaryn ýaqtyly tóle­megen. Osyndaı jaýap­syz­dyq­tyń saldarynan 300-ge jýyq adamǵa 83 mln teńge tóńireginde jalaqy qaryzy jınaqtalyp qalǵan. Eńbek shart­tarynyń mundaı óreskel buzylý derekteri sońǵy kezde kóp oryn alyp otyr.

– Jumysshylardyń qu­qy­ǵyn qorǵaýǵa baǵyt­tal­ǵan naqtyly is-sharalardyń ná­tı­jesinde qordalanyp qal­ǵan eńbekaqy tólendi. 65 zań­dy tulǵaǵa 6,2 mln teńge aıyp­pul salyndy. Bul arada qaryzy tym kóp kásiporyndar da bar. Máselen, Ereımentaý aýdanyndaǵy bankrotqa ushy­ra­ǵan «Metallon» serik­tes­tigi 13 jumysshysyna 23,9 mln teńge bereshek bolǵan, – deıdi Yntymaq salalyq kásipodaǵy oblystyq fılıaly tóraǵasynyń orynbasary Bolat Jupynov.

Mamandardyń aıtýyna qaraǵanda, máseleniń bylaı órbýine shalǵaıdaǵy shaǵyn aýyldarda jumys ornynyń az bolýy áser etedi eken. Aıtalyq, jumys berýshi ju­mysshyny kez kelgen talabyna kóndire alady. О́ıtkeni shyǵaryp jiberse, basqa barar jeri joq. Amal joq, ja­la­qysy ýaqtyly qolyna tımese de, ózine tapsyrylǵan isti atqarýǵa májbúr.

Jumys berýshiler qazir eko­no­mıkalyq daǵdarys oryn alyp otyr degen jeleýdi únemi alǵa tartady. Dál osyndaı sebeppen buryn jasalǵan kelisimsharttardy buzyp, óz yńǵaıyna qaraı ózgertýleri de jıi. Al jumysshylar bolsa, ábden kóńili qalǵan soń óńirden kóship ketýge májbúr. Aınalyp kelgen kesiri kadr jetispeýshiligine nemese óndiris jumysynyń irkilýine ákelip tireıdi.

Memleket damýynyń al­ǵy­sharty aldymen adamı ka­pı­talda ekeni álmısaqtan bel­­gili. Adamı kapıtaldy d­a­mytýǵa qarjy bólmek tú­gi­li jumysyn adal atqarǵan ju­mysshynyń taban aqy, mań­daı teriniń ótelmeýi ókinishti. Túptep kelgende, kisi eńbegine qııanat jasaý kórinisi azaımaı tur.

 

Aqmola oblysy

 

Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar