Syntas I qorymyndaǵy №1 qorǵannan tabylǵan qasyqta arany aqsıǵan mınıatıýralyq qasqyrdyń basy beınelengen.
Ejelgi sýretshi tutqasynyń keń bóliginde (uzyndyǵy 8,5 sm, eni 2,3 sm) birneshe músindi oıyp kórsetken. Birinshi – qasqyrdyń basy artqa burylǵan kúıinde jáne arany aqsıǵan túrinde kórsetilgen. Onyń moıny men denesi ishki jaǵynan shtrıhtalǵan paralleldi syzyqtarmen órnektelgen. Kelesi qyran qustyń sulbasy, ol basymen artqa qaraı baǵyttalǵan. Sondaı-aq qustyń qanaty qıǵash qashaýlarmen beınelengen, qaýyrsyny – qabyrshaqtar sekildi domalaqsha etip jasalǵan.
Qyrannyń aıaqtary saqına tárizdi qashalǵan. Dál sonyń astynda sol sııaqty qyrannyń basy beınelengen, biraq basy tómenirek burylǵan, eger qasyqty joǵary qaraı aınaldyratyn bolsaq, onda ejelgi sheberdiń kıiktiń basyn beınelegeni baıqalady, kıiktiń múıizderi týra qasqyrdyń aldyńǵy aıaqtaryna deıin beınelengen. Qasyqtyń sońǵy jaǵy synǵan, biraq shetine qaraı úńilsek onyń tutqasy ilgek tárizdi aıaqtalǵany baıqalady. Tutqanyń keri jaǵynan da biz aına sımmetrııasynyń qaǵıdasy sekildi dál osyndaı kompozısııany baıqaımyz.
Bul qasyq – súıekti oıyp órnekteýdegi sırek kezdesetin «zoologııalyq basqatyrǵysh» stılindegi kórkem oıý úlgisi. Tikeleı uqsastyǵy joq, biraq savromat álemindegi qoldanbaly ónerde osyǵan uqsas súıekten jasalǵan buıymdar Pıatımaryda, Varna aýylynda kezdesedi. Osyndaı jeke danada kezdesetin «basqatyrǵysh» stılindegi zattar Eýrazııanyń dala beldeýindegi basqa aýdandarynda da belgili, ásirese Ortalyq Qazaqstan men Tývany aıtýǵa bolady.
Súıekten jasalǵan qasyqtar sarmattarda áıel adamdardyń jerleý ornyna qoıylatyn zattar bolyp tabylady. Olar osy qasyqtardy boıaǵysh zattardy jaǵý úshin qoldanylǵan. Biraq Syntas qorymyndaǵy qasyqtar er adamdardyń jerleý ornynda da tabylǵan bolatyn, ári sondaı jerden, ıaǵnı dál jebe ushtarynyń úıindisinen tabylǵan. Múmkin, osyndaı qasyqtardyń bul bóligi jaýyngerdiń qoramsaǵymen baılanysty, nemese ózindik tumar qyzmetterin atqarǵan bolar.
Joǵaryda keltirilgen materıaldyń zattaı salystyrmasyna qaraǵanda, Syntas I qorymyndaǵy qorǵandarda jerlengen jaýyngerler b.z.d. VI-V ǵǵ. sońyna jatady.