Úkimet • 03 Tamyz, 2021

Pılottyq joba aýyl turǵyndarynyń tabysyn arttyrady

30 ret kórsetildi

QR Eńbek jáne halyqty áleýmettik qorǵaý mınıstri Serik Shápkenov, Úkimet otyrysynda, Jambyl oblysyndaǵy aýyl turǵyndarynyń tabysyn arttyrý boıynsha pılottyq jobanyń aýqymyn keńeıtý jaıyn baıandady, dep jazady Egemen.kz.

Eńbekmıniniń basshysy, sońǵy 10 jylda halyqtyń jan basyna shaqqandaǵy ortasha nomınaldy tabysy 39 myń teńgeden 115 myń teńgege deıin, ıaǵnı 3 ese óskenin atap ótti. Degenmen, 2020 jyldyń qorytyndysynda, aýyldardaǵy úı sharýashylyqtyrynyń tabysy 52,4 myń teńgeni qurady. Bul ortasha resýpýblıkalyq kórsetkishten 15 paıyzǵa (61,4 myń teńge), qalalardaǵy tabys deńgeıinen 23 paıyzǵa kem (67,6 myń teńge).

«Aýyldyq jerlerde kúnkóris deńgeıinen az tabys alatyndardyń úlesi qalalarmen salystyrǵanda 2 ese kóp. Birinshiden, bul, aýyldarda jumys ornynyń tapshylyǵyna baılanysty bolyp otyr. 1,2 mln adam nemese aýylda jumys isteıtinderdiń 30%-dan astamy ózin jumyspen qamtyǵan halyq sanatyna jatady (qalalarda ózin jumyspen qamtyǵandardyń úlesi 16%). Ekinshiden, ótkizý naryǵy kóleminiń salystyrmaly túrde tómen bolýyna baılanysty aýylda qalamen salystyrǵanda kásipkerlikpen aınalysý úshin múmkindik shekteýli», dedi Serik Shápkenov.

Mınıstrdiń aıtýynsha, Jambyl oblysynda aýyl halqynyń tabysyn arttyrý jónindegi pılottyq joba aıasynda, óndirýshiler men satyp alýshylardy baılanystyrý jáne aýyl turǵyndarynan ónimdi kepildi satyp alý qamtamasyz etildi.

«Bul úshin «Eńbek» memlekettik baǵdarlamasyna pılottyq jobaǵa erekshe sharttardy kózdeıtin ózgerister engizildi. Atap aıtatyn bolsaq: mıkrokredıtter boıynsha syıaqy mólsherlemesi 2,5 paıyzdy qurady; alǵash ret baǵdarlama boıynsha mıkrokredıtter senim bildirilgen agent arqyly berildi; qaıtarylǵan qarajat esebinen qosymsha mıkrokredıtter berý tetigi qarastyryldy. Pılottyq joba 10 aýdannyń 11 aýyldyq okrýginde iske asyryldy. Nátıjesinde 2,5 myń otbasy nemese 14 myń adam turaqty tabyspen qamtamasyz etildi; kásipkerler sany 966-dan 3248-ge deıin ósti, ıaǵnı árbir úshinshi úı sharýashylyǵy kásipkerlikpen aınalysady; jumyssyzdar men ataýly áleýmettik kómek alýshylar sany tıisinshe 2 jáne 3 ese qysqardy», dep jetkizdi Serik Shápkenov.

Eńbekmıniniń basshysy, Kásipkerlikti damytýdyń 2021-2025 jyldarǵa arnalǵan ulttyq jobasyn ázirleýde pılottyq jobanyń múmkindikteri eskerilgenin aıtty. Aýyldyq jerlerde kásipkerlikti damytý maqsatynda úı sharýashylyǵyn saýalnama júrgizý arqyly zertteý, alynǵan málimetter negizinde taýarlar men qyzmetterge naqty suranys pen usynysty anyqtaý, aýdandardyń sheberlik josparyn ázirleý boıynsha sharalar iske asyrylatyn bolady.

Sonymen birge keshendi memlekettik qoldaý sharalary usynylady: 

óndiristiń naqty keıstary, tehnologııalyq kartalar boıynsha modýldik oqytý;

- bıznes-jocpar ázirleýge kómektesý;  

- mıkrokredıtter jáne granttar berý;  

- ónimder men qyzmetterdi satýdy uıymdastyrý (bul úshin iri saýda jelilerimen, bazarlarmen, dúkendermen baılanys ornatýǵa kómek kórsetiledi).

«Kelesi jyly kredıtteý jáne granttyq qoldaýǵa bıznes-jobalardy irikteý sheberlik josparyn eskere otyryp júrgiziledi. О́tinimderdi berý jáne qaraý úderisin barynsha avtomattandyrý úshin eńbek bırjasy bazasynda kásipkerlik bastamalardy qoldaýdyń «Biryńǵaı terezesi» iske qosylady», dedi mınıstr.

Serik Shápkenov baıandamasynyń sońynda, Jambyl oblysynda iske asyrylǵan joba nátıjesin eskere otyryp, aýyl turǵyndarynyń tabysyn arttyrýda qol jetkizilgen múmkindikterdi iske asyrýdy ulttyq jobalar sheńberinde jalǵastyrýdy usyndy.

«Jobany respýblıka boıynsha iske asyrý tabysy kúnkóris deńgeıinen tómen aýyl turǵyndarynyń úlesin 12 paıyzǵa, jumyspen nátıjesiz qamtylǵandar úlesin 9,7 paıyzǵa deıin tómendetýge jáne naqty aqshalaı kiristerdiń 27,1%-ǵa, jeke kásipkerler sanynyń 195 myń adamǵa ósýine yqpal etedi», dep tujyrymdady ol.

Sońǵy jańalyqtar

Kabýlda jarylys boldy

Oqıǵa • Keshe

Almatyda baqylaý kúsheıtildi

Koronavırýs • Keshe

Tiliksiz ota jasaldy

Medısına • Keshe

Uqsas jańalyqtar