Prezıdent • 03 Tamyz, 2021

Erlan Turǵymbaev eldegi krımınogendik ahýal týraly baıandady

49 ret kórsetildi

Memleket basshysy Qasym-Jomart Toqaev Ishki ister mınıstri Erlan Turǵymbaevty qabyldady. Prezıdentke eldegi qazirgi krımınogendik ahýal men ishki ister organdary jumysynyń nátıjeleri týraly baıandaldy, dep habarlaıdy Egemen.kz Aqordaǵa silteme jasap.

Erlan Turǵymbaevtyń aıtýynsha, vedomstvo qylmystyń kóptegen túrlerin ashý kórsetkishterin jaqsartqan. Kisi óltirý, tonaý, buzaqylyq, urlyq, sondaı-aq kámelettik jasqa tolmaǵandar jasaǵan quqyq buzýshylyqtar sany azaıǵan. Qoǵamdyq oryndar men kóshedegi qaýipsizdik deńgeıi joǵarylaǵan. Alaıda, ınternet jelisin paıdalaný arqyly jasalatyn alaıaqtyq qylmystar sany artqan. Buǵan pandemııa kezindegi onlaın-qyzmetterdiń ósýi yqpal etti.

Memleket basshysyna vaksına alǵandyǵy jóninde jalǵan qujattar taratýdyń jolyn kesý boıynsha qabyldanyp jatqan sharalar týraly aıtyldy. Jyl basynan beri polısııa organdary 50-i jalǵan vaksınasııa pasporttaryn jáne 60-y jalǵan PTR-anyqtamalaryn jasaǵany úshin 110 qylmystyq is qozǵaǵan.

Mınıstr IIM bólimshelerindegi jeke quram qyzmetkerleriniń 96 paıyzy ekpe alǵanyn jetkizdi.

Kezdesý qorytyndysy boıynsha Qasym-Jomart Toqaev mınıstrlikke basqa memlekettik organdarmen birlesip, karantındik sharalardy qamtamasyz etýge erekshe kóńil bólýdi, sondaı-aq kámeletke tolmaǵandarǵa qarsy qylmystardyń, turmys salasyndaǵy quqyq buzýshylyqtardyń aldyn alý jáne jol qaýipsizdigin qamtamasyz etý jónindegi jumysty jandandyrýdy tapsyrdy.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar