«Bizdiń otandastarymyz Stipendium Hungaricum stıpendııalyq baǵdarlamasy boıynsha oqıdy. Bul tizimdi majar tarapy úmitkerlerdiń mamandyq tańdaýyna degen yntasyna, olardyń teorııalyq bilimi men oqýdaǵy nemese tańdaǵan salasyndaǵy jetistikterine súıene otyryp bekitti. Sondaı-aq áńgimelesý kezinde kandıdattardyń jeke qasıetteri eskerildi», dep atap ótti Bilim jáne ǵylym mınıstrligi Halyqaralyq baǵdarlamalar ortalyǵy prezıdentiniń mindetin atqarýshy Danııar Muqıtanov.
Stıpendıattar Majarstanda bakalavrıat, magıstratýra jáne doktorantýra baǵdarlamalary boıynsha qabyldaýshy taraptyń esebinen oqıdy. Sonymen qatar 70-ten asa adamnan turatyn rezervtik tizim jasaldy. Barlyq úmitkerdiń tizimi Halyqaralyq baǵdarlamalar ortalyǵynyń resmı saıtynda jarııalanǵan.
Osy oraıda úkimetaralyq kelisimder aıasynda 330 qazaqstandyq álemniń jetekshi joǵary oqý oryndarynda, onyń ishinde Majarstan, Polsha, Qytaı, Ýkraına, Slovakııa, Ázerbaıjan jáne Vetnam ýnıversıtetterinde tegin oqı alatynyn aıta ketken jón.
«Egemen-aqparat»
