Kelissózderge qazaqstandyq taraptan Bas shtabtyń radıasııalyq, hımııalyq jáne bıologııalyq qorǵaý jáne ekologııalyq qaýipsizdik áskerleri departamentiniń bastyǵy podpolkovnık Erjan Qulmaǵambetov qatysty.
«Búgingi tańda bul baǵyt bizdiń memleketterimiz úshin joǵary ózektilikke ıe jáne bizdiń oıymyzsha, osy saladaǵy yntymaqtastyqty uıymdastyrý bizdiń elderimizdiń qorǵanys qabiletiniń jaı-kúıine jaǵymdy áser etedi», dep atap ótti ol.
Podpolkovnık Erjan Qulmaǵambetovtyń aıtýynsha, búgingi tańda negizgi basymdyq áskerlerdiń áskerı jáne beıbit ýaqytta da mindetterdi oryndaýǵa daıyndyǵyn arttyrý maqsatynda Qazaqstan Qarýly Kúshteriniń radıasııalyq, hımııalyq jáne bıologııalyq qorǵaý júıesin damytý jáne jańǵyrtý bolyp tabylady.
Taraptar mamandardy daıarlaýǵa, jaýyngerlik daıarlyq prosesine jáne bólimshelerdi tehnıkalyq jabdyqtaýǵa qatysty ózara is-qımyldyń perspektıvalyq baǵyttaryn talqylady.
Radıasııalyq, hımııalyq jáne bıologııalyq qorǵaý – bul Qazaqstan men Túrkııanyń qorǵanys vedomstvolary arasyndaǵy yntymaqtastyqtyń jańa baǵyty, ony damytý qajettiligin qazirgi zaman talap etedi. Áskerı qyzmetshiler áleýmettik mańyzy bar obektilerdi dezınfeksııalaý boıynsha mindetterdi oryndaǵan kezde RHBZ áskerleriniń qajettiligin koronavırýstyq ınfeksııa pandemııasy kórsetti.
