Tegin kýrs kompıýterlik daǵdyny damytady

Shildeniń 2-sinen bastalǵan «Pedagog­terdiń sıfrly quzyrettiligin damytý» onlaın-kýrsy my.edu.kz platformasynda asınhrondy rejimde ótip jatyr. Kýrs mektep, kolledj pedagogterine, sondaı-aq pedagogıkalyq joǵary oqý oryndary men kolledj stýdentterine arnalǵan. Pedagogterge arnalǵan tegin sıfrly kýrs­tardy «О́rleý» biliktilikti arttyrýdyń ulttyq ortalyǵy ázirlep shyqty.

«О́rleý» biliktilikti arttyrýdyń ult­tyq orta­lyǵynyń Basqarma tóraǵasy Ásel Muha­met­janova aldymen ortalyqtyń tarıhy men qazirgi áleýetine az-kem toqtaldy.

– «О́rleý» biliktilikti arttyrý ult­tyq ortalyǵy 2012 jyly pedagogterdiń bilik­tiligin arttyrý maqsatynda quryl­dy.
9 jyl ishinde «О́rleý» ortalyǵynda
623 482 pe­dagog oqytýdan ótti. «О́rleý» óńir­­­ler­degi fılıaldar jelisi arqyly pe­da­­gog­terdiń úzdiksiz kásibı damýyn qam­ta­­masyz etedi. Barlyǵy respýb­lıka boıyn­sha 17 pedagogıkalyq qyzmetkerlerdiń biliktiligin arttyrý ınstıtýty jumys isteıdi. Fılıaldar, óz kezeginde, 572 baza­lyq orta bilim berý uıymdarymen ynty­maqtastyq ornatqan. «О́rleý» ortalyǵy 25 sheteldik joǵary oqý oryndarymen, ortalyqtarmen jáne halyqaralyq uıym­darmen birlesken jobalardy júze­ge asyrady. Ortalyqtyń 300-den asa qyz­metkeri Ulybrıtanııa, Fransııa, Aýstra­lııa, Ońtústik Koreıa, Sıngapýr, AQSh, Portýgalııa, Ispanııada bilim alǵan, – dedi Á.Muhametjanova.

Osydan soń ortalyq basshysy jańa bastalǵan kýrsqa qatysty aqparatqa kezek berdi. Onyń aıtýynsha, kýrstyń oqý jyly bastalar aldynda ótkizilýi kezdeısoq emes. Osy kýrsty ázirlemes buryn, 2020 jyldyń qarasha aıynda júrgizilgen monıtorıng málimetteri zerttelgen. Saýaldama respýblıkanyń 7 myńǵa jýyq aýyldyq jáne qalalyq mektebiniń 300 myńnan asa pedagogin qamtydy. Nátıjesinde, aýyl­daǵy ár tórtinshi, qaladaǵy ár besinshi mu­ǵalim aqparattyq-kommýnıkasııalyq teh­no­logııalar (AKT) quzyretiniń deńgeıin art­­tyrýdy qajet etetini belgili boldy.

– «О́rleý» ortalyǵy kýrs avtorlary­men birlesip muǵalimder men bolashaq muǵalimder baǵdarlamany bitirgennen keıin sabaqty jobalap, onyń nysandaryn, ádisteri men mazmunyn, AKT negi­zinde baǵalaýdy tańdaıtyndaı etip ázir­ledi. Kýrstyń ishinde vıdeo-pedagogıka taqyryby bar. Ony Eýropalyq bilim berý qorynyń sarapshylary jasady. Yńǵaı­ly bolý úshin portalda qazaq jáne orys tilderinde beınepedagogıka boıynsha nusqaýlyq ornalastyrylǵan. Microsoft, Bilim Media Group, Kundelik ózderiniń paıdaly resýrstary týraly beıne dárister daıyndady. Biz Ulttyq bilim berý derek­ter bazasyn paıdalaný boıynsha tanys­tyrý jáne oqytý rolıkterin qostyq. Mu­ǵalimder men stýdentter edu.kz platfor­masynda asınhrondy bilim ala alady, ıaǵnı óz qarqynymen ótýge arnalǵan, sebebi bar­lyq modýl jazylǵan. Siz kez kelgen ýaqytta jattyǵýdy toqtatyp, yńǵaıly ýaqytta qaıta jalǵastyra alasyz. Sizder kýrsty platformada 31 qazanǵa deıin, ıaǵnı úsh aıǵa deıin óte alasyz. Bul kýrs­ty attestattaýdan ótý úshin paıdalaný­ǵa bolmaı­tynyn eskertkim keledi, – dedi Á.Muhametjanova.