Oblystyq sport jáne dene shynyqtyrý basqarmasy baspasóz qyzmetiniń aqparatyna súıensek, Reseıdiń Orynbor qalasynda dzıýdodan eresekter arasynda «Orenburg Cup 2021» Eýropa kýbogi ótip jatyr.
«Eýropa kýbogin ıelený úshin halyqyralyq saıysta álemniń 14 elinen 189 sportshy baq synaýda. Bul dodada atyraýlyq dzıýdoshy Baqyt Abdýsamat 60 keli salmaqta qarsylastarynyń bárin utyp, Eýropa kýboginiń jeńimpazy atandy. Ol irikteý kezeńinde reseılik Egor Svetkov men ıtalııalyq dzıýdoshy Marıo Petrosınony jarys jolynan yǵystyrdy. Al, jartylaı fınalda Ázerbaıjan eliniń ókili Ahmat Iýsýpovtan basym tústi. Aqtyq básekede Reseı Federasııasynan qatysqan qarsylasy Iznanýr Saevty qapy qaldyrǵan qazaq sportshysy elimizdiń kók baıraǵyn jelbiretip, Ánuranymyzdy shyrqatty» dep habarlady basqarmanyń baspasóz qyzmeti.
Sondaı-aq, áıelder arasynda 48 keli salmaqta baq synaǵan Abıba Abýjaqynova úsh kezdesý ótkizdi. Aqtyq synda reseılik sportshyǵa ese jiberip, kúmis júldeni ıelendi.
