UBT-2021: Talapty buzǵan talapkerler granttan qaǵyldy

Ulttyq biryńǵaı testileý ortaly­ǵynyń jaqynda jarııa­laǵan aqparatyna súıensek, 19 talap­kerdiń UBT nátıjeleri jo­ıyldy. Iá, buǵan deıin baqylaý kameralarynan beınejazbalardy qaraý týraly ereje engizilgen edi. UBT aıaqtalǵannan keıin 152 talapkerdiń testileý ere­jesin buzǵany anyqtalyp, nátı­jeleri joıyldy. Olar­dyń 91-i bilim berý grantynan aıyrylǵan bolatyn. Al bıyl UBT aıaqtalǵannan keıin Ulttyq testileý ortalyǵynyń qyz­met­ker­­leri 145 myń talap­kerdiń beı­ne­jaz­balaryn qaraıdy. Al­dymen, Ulttyq testileý or­ta­lyǵynyń qyzmetkerleri 100-den joǵary ball jınaǵan tes­tilenýshilerdiń beınejazba­laryn tekseredi. Máselen, ta­lapkerlerdiń nátıjeleri naý­ryz jáne mamyr, maýsym aı­la­ryndaǵy kórsetkishterinen aıtar­lyqtaı joǵary bolýy múmkin.

Jaqynda UBT beınejaz­ba­larynyń bir bóligin egjeı-teg­j­eıli qarap shyqqannan keıin ortalyq mamandary joǵaryda atalǵan 19 talapkerdiń shpargalkalardy qoldanǵanyn jáne erejelerdi buzǵanyn anyqtady. Bul týraly Ulttyq testileý ortalyǵy dırektorynyń min­­detin atqarýshy Naýjan Dıdar­be­kova:

«Biz túlekterimizdiń tek óz bilimine úmit artýyn qamta­ma­syz etý úshin osyndaı muqııat tekserý júrgizip jatyrmyz. О́ıtkeni búgin test tapsyryp, ere­jeni buzǵan talapkerdiń er­teń polısııa qyzmetkeri, dári­ger, muǵalim nemese sýdıa re­tin­de adal maman bolatynyna kepildik joq. Sondyqtan komıssııa 19 talapkerdiń nátıjelerin joıýǵa sheshim qabyldady. Endi olar bilim berý granttaryn taǵaıyndaý konkýrsyna qatysa almaıdy. Biraq bul jaǵdaılar balalar tarapynan bolǵanyn eskerip, olarǵa joǵary oqý oryndarynda aqyly negizde oqý múmkindigi beriledi. Jalpy, barlyq túlek UBT-ny jylyna birneshe ret tapsyra alady. Bul testileýge daıyndalý barysynda oqýshylardyń kúızelisin azaıtady. Biz taǵy da talapkerlerdi akademııalyq adaldyqqa shaqyramyz. UBT-nyń barynsha ashyq jáne adal ótýi úshin budan ári de bar­lyq jaǵdaıdy jasaıtyny­myzdy aıtqym keledi. Beı­ne­jazbalardy tekserýdi jal­ǵas­tyramyz. Buzýshylyqtar anyq­talǵan jaǵdaıda nátıjeler men tipti taǵaıyndalǵan grant­tar­dyń da kúshi joıylady», dedi.

Ortalyq ókiliniń málim­de­ýinshe, baqylaý kúsheı­tilgen úsh jyldyń ishinde tyıym sa­lynǵan zattardy kirgizý áreketteri bir­shama azaıǵan. 2019 jyly 128 myń, 2020 jyly 1 296 túlek UBT-ǵa tyıym salynǵan zattardy alyp ótýge tyryssa, bıyl mundaı 758 jaǵdaı tirkeldi. Testileý kezinde ty­ıym salynǵan zattardy paıda­la­nýǵa tyrysqandardyń sany 2019 jylǵy 2 363-ten 2021 jyly 749-ǵa deıin azaıdy.

Buǵan deıingi testileýlerde eshbir talapty buzbaı UBT tap­syr­ǵanymen, shekti ball jınaı almaı qalǵan talapkerlerge tamyzda taǵy bir múmkindik bar. Osy aıdaǵy testileýge qa­ty­sa­tyndar UBT-ny tórtinshi ret tapsyrý arqyly shekti baldy qaıtadan jınap, joǵary oqý oryndarynyń aqyly bóli­mine oqýǵa túse alady. Bul tes­ti­leýge qabyldaý 6 tamyzda aıaq­talǵan bolatyn. Endi talapkerler erteń, ıaǵnı tamyzdyń 10-ynan bastap, 13 tamyzǵa deıin test tapsyrady. Tirkelý kezinde testilenýshiler emtıhan ótkiziletin oryndy, kúndi jáne ýaqytty ózderi tańdaıdy.

«О́kinishke qaraı, qańtar-maýsym aralyǵynda ótken UBT-da keıbir talapkerler shekti ball jınaı almady. Olar eli­miz­diń joǵary oqý oryndaryna túsý múmkindiginen aıyryldy. Biz osy balalardyń aqyly bólimge túsý múmkindigi bolýy úshin tamyz aıynda qaıta testileýden ótýge jaǵdaı jasa­dyq. Oqýǵa túsý úshin shekti ball jáne ár pánnen keminde 5 ball jınaý qajet», dep túsindirdi Joǵary jáne joǵary oqý ornynan keıingi bilim departamentiniń dırektory Ádilet Toıbaev.