Ádebıet • 09 Tamyz, 2021

«Kitap oqýǵa kóp ýaqyt bólemin»

49 ret kórsetildi

Qazirgi balalar ádebıetinde ónimdi eńbek etip júrgen jazýshynyń biri, Ha­lyqaralyq «Alash» ádebı syılyǵynyń laýreaty Tolymbek Ábdiraıym aǵamyz. Jaqynda belgili qalamgermen jolyǵyp, «Ne jazyp júrsiz?» degen saýalymyzdy qoıǵan edik.

Qazaqtyń kórnekti jazýshysy Ǵabıt Músirepov: «Bir aıtatyn nárse – jazýshy úshin kitap oqý men shy­ǵarma jazýdyń ara salmaǵyn teń ustaý kerek-aý deı­min. Bireýler tó­pep, bastyrmalatyp, bas-kózge qa­ramaı jaza beredi desedi. Osyny óz basym túsinbeımin. Oqymaǵan adam qalaı oılanýy múmkin, «oqymasa oı toqyraıdy» degen sóz óte oryndy. Al tek oqı berip, jazýdy múlde ysyryp qoıý da kemshilik bolsa kerek», dep aıtqan eken.

О́z basym kitap oqýǵa kóp ýaqyt bólem. Jýyrda Muhtar Ma­ǵaýın­niń sonaý 1990 jyly «Ja­zýshy» baspasynan jaryq kórgen eki tomdyq tańdamaly shyǵar­ma­la­ryn qaıta­lap oqy­dym. Talantty sýret­ker­diń osydan 35-40 jyl buryn jaz­ǵan «Tazy­nyń ólimi», «Qara qyz», «Bir atanyń balalary», «О́mir jyry», «Jylandy jaz», «Kók balaq», «Júırik» hıkaıattary kere­met, jan-dúnıemdi erekshe kúıge bóledi. Sodan keıin Ábish Kekilbaıuly aǵa­myzdan bastap, Iýkıo Mısımany, Ste­fan Sveıgti, Mark Tvendi, Beken Yby­raıymdy, Ǵabıden Qulahmetti, Rahymjan Otar­baev shyǵarmalaryn oqyp shyqtym...

Qalyptasqan daǵdym boıynsha, jazýdy saǵynyp, ańsap baryp otyram, Sondaıda alǵashqy týyndymdy aq qaǵazǵa túsirgendeı áserlenem, jazǵanymdy aıamaı syzam, shımaılaımyn, synaımyn, sodan soń ǵana kóńilim jaılanatyny bar...

Bıyl eresekterge arnap tórt, bala­larǵa bes áńgime, úsh ertegi jaz­dym. «Jul­dyz» jýrnalynda (№7, 2021) bir top áń­gimelerim jaryq kórdi. «Baldyrǵannyń» №8 sanyndaǵy «Aıjanardyń armany» atty ertegi-áńgimem de jas oqyr­­mandy beıjaı qal­­dyra qoı­­mas degen oıdamyn. On­shaq­­ty kúnnen beri birazdan basymda «pi­sip» jatqan, balalarǵa arnal­ǵan jańa ertegi-povesimniń kilti ta­byla ketip, soǵan kiristim. Onda búgingi qala balasynyń kes­kin-kelbeti, tynys-tirshiligi, arman-maqsaty, t.b. dúnıeler qamtylady.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar