Alaıaqtar Instagram-da qoldanýshynyń aty-jónin, ómirbaıanyn jáne profıldegi sýretine deıin kóshirip, jańa akkaýnt ashady. Sodan keıin olar túpnusqa paraqshaǵa shaǵym túsiredi. Al jeli túpnusqany kóshirme dep qatelesip, shynymen buǵattap tastaıdy.
Paraqshany buǵattaý úshin alaıaqtar ádette 60 dollar alady, baǵasy jazylýshylar sanyna baılanysty ózgerýi múmkin. Dál osy alaıaqtar jábirlenýshige paraqshany qalpyna keltirý boıynsha qyzmet usynady jáne bul úshin 3,5-4 myń dollar suraıdy.
Keıbir paıdalanýshylar paraqsha buǵattalǵannan keıin dereý qalpyna keltirý týraly usynys alǵanyn aıtady. Sonymen qatar paraqshany «tyıym salynǵan kontent» úshin de buǵattaýy múmkin.
Instagram atalǵan jazbaǵa jaýap berdi jáne osyndaı alaıaqtyq jaǵdaılaryn qarastyryp jatqanyn aıtty. Paıdalanýshylardy osyndaı jaǵdaıǵa tap bolǵan kezde ózderine jazýdy ótindi.
