Koronavırýs • 10 Tamyz, 2021

Ahýal alańdatarlyqtaı

145 ret kórsetildi

Densaýlyq saqtaý mınıstri Alekseı Soı Atyraý oblysyna jumys sapary barysynda Maqat aýdandyq aýrýhanasy men Báıgetóbe aýyldyq feldsherlik-akýsherlik bekettiń jumysymen tanysty. Sodan soń Atyraýdaǵy epıdemııalyq ahýalǵa baılanysty aımaqtyq shtabtyń otyrysyn ótkizdi.

Qazir bul óńirdegi aýrýhanalarda tósektik orynmen qamtý birtindep ulǵaıyp barady. Máse­len, 5 tamyzda stasıonarlarda emdelip jat­qan naýqastar sany 1 734-ke jetti. Bul bir aı burynǵy statıstıkadan 3,5 esege kóbeıgenin kórsetedi. Jansaqtaý bólimine 76 pasıent túsip, 5 shildeden beri 2,5 esege kóbeıgen.

Qazir oblysta 16 ınfeksııalyq stasıonar bar. Onyń jeteýi aýdandarda, al toǵyz stasıonar oblys ortalyǵynda orna­las­qan. Atyraý qalasynyń ózinde tósektik oryn júk­temesi artqan. Munda alty sta­sıo­nar­dyń tór­teýindegi júkteme 97%-dy quraı­dy. Osy­laı­sha, munaıly shaharda ınfek­sııalyq tósektik orynnyń júktemesi 60%, reanıma­sııa­lyq kereýetter júktemesi 67%-ǵa ulǵaıyp otyr.

Sondaı-aq modýldi aýrýhanada tósektik orynnyń jetispeýshiligi baıqalady. Munda 200 tósektik orynǵa eseptelgen ınfeksııalyq sta­sıo­narda 205 adam, onyń ishinde 105 júk­ti áıel em alyp jatyr. Jansaqtaý bóliminde 25 pasıent bar, onyń úsheýi – aýyr haldegi júkti áıel.

– Bul – alańdaýshylyq týǵyzatyn jaıt. О́ıtkeni júktemeniń artýy tósektik oryn­nyń jetispeýshiligine, turǵyndarǵa stasıo­nar­lyq kómek kórsetýdiń tómendeýine ákelip soǵýy múmkin, – deıdi mınıstrdiń orynbasary Ajar Ǵınııat. – Mınıstrliktiń ju­mys toby Atyraý qalasyndaǵy bes emha­na­da, eki jekemenshik emhanada, sondaı-aq eki aýdandyq aýrýhanada monıtorıng júr­gizdi. Taldaý nátıjesinde jyljymaly brıga­dalar sanynyń jetkiliksizdigi, tur­ǵyndardan túsken shaqyrtýlardyń keshendi medısınalyq aqparattyq júıege ýaqytynda engizilmegeni baıqaldy. Budan soń bir jyljymaly brıgadanyń naqty júktemesi qansha ekenin bilý qıyndaıdy. Osyndaı sebeppen mınıstrliktiń usynysymen Aty­raý qalasynda naýqastardyń tirkelýin, mo­bıldi toptardyń jumysyn baqylaý úshin ahýaldyq ortalyqtar quryldy. Oǵan naý­qastardy aýrýhanaǵa jatqyzý, ambý­latorlyq emniń ýaqtyly taǵaıyndalýy, dári-dármekpen tegin qamtamasyz etý kiredi.

A.Ǵınııattyń aıtýynsha, barlyq medı­sınalyq uıymda naýqastardy ambýla­to­rııalyq baqylaý tıisti deńgeıde emestigi anyq­talǵan. Baqylaý paraqtary sapasyz júr­­gizilgen. Koronavırýs ınfeksııasyn juq­tyr­ǵan­dardy emdeýge arnalǵan klı­nı­kalyq hattamalar saqtalmaıdy. Dári­ger­ler egde jastaǵy emdelýshilerdi baqy­laýda enjarlyq tanytyp otyr. Jyl­jy­maly brıgadadaǵy dárigerler ýchas­­kelik qabyldaýdaǵy jumyspen biriktire atqa­­ra­tyny kezdesedi. Bul sanıtarlyq-epı­demııalyq rejim talabyna qaıshy keledi.

Mınıstr A.Soıdyń pikirine súıensek, Atyraý oblysynda turǵyndardyń sanı­tar­lyq-epıdemııalyq talaptar­dy saq­ta­maýynan koronavırýs ınfeksııa­synyń taralýy edáýir ulǵaıyp otyr. Naýqastardy aýrý­­hanaǵa jatqyzý paıyzy joǵarylap barady. Al «Delta» shtamynyń tara­lýyn tejeýge qatys­ty is-sharanyń, ambý­la­tor­lyq-emhana­lyq ju­mystyń jetki­liksiz uıymdas­tyrylýy jaǵ­daıy aýyr naýqas­tardyń kóbeıýine yqpal etken.

Al keshe «Teńizshevroıl» JShS «Teńiz» keni­shinde vahtalyq aýysymdy ýaqyt­sha toq­tatty. Buǵan ken ornyndaǵy ınfek­sııalyq sta­sıo­narda emdelip, kún saıyn koronavırýs juq­tyr­ǵan naýqastar sanynyń kóbeıýi sebep bolǵan.

– Bizdiń kompanııadaǵy negizgi basym­dyq – qyzmetkerlerdiń densaýlyǵy men qaýipsizdigin saqtaý. Osyǵan baılanysty «Teńizshevroıl» qyzmetkerleri arasynda COVID-19 indetiniń taralýyn azaıtý úshin 9 tamyzdan bastap «Teńiz» kenishindegi jedel emes qyzmetkerlerdiń vah­talyq aýysymyn jáne qaıta jumyldyrýyn ýaqyt­sha toqtatady. Atalǵan ýaqytsha sharanyń «Teńiz» kenishinde júrgizilip jatqan jos­parly jóndeý jumystarymen aınalysatyn qyzmetkerlerge qatysy joq, – dep habarlady kásiporynnyń baspasóz qyzmeti.

«Teńiz» kenishinde vırýstyń taralýyn tejeý úshin qaýipsizdik sharalary, onyń ishin­de qyzmetkerlerdi «bólek jaıǵastyrý» (tur­ǵyn úılerde, kólikte jáne jumys oryndaryn­da), sondaı-aq PTR-synamasy men oqshaýlaý burynǵysha saqtalady. Qazir ken ornyna jumysqa tartylǵan jumysshylar arasynda vaksınalaý baǵdarlamasy jalǵa­syp jatyr. Koronavırýs ınfeksııasyna qar­sy vaksınanyń alǵashqy komponentin sal­dyr­ǵan qyzmetkerler sany 45 myńnan asty.

 

Atyraý oblysy

 

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar