Yntymaqtastyqtyń biregeı tetigin qurý mańyzdy

Prezıdentpen kezdesý barysynda Q.Sarybaı Iran tarapyna AО́SShK-ge turaqty qoldaý úshin rızashylyǵyn bil­dir­di jáne biregeı yntymaq­tas­tyq mehanızmin qurý qajetti­gin aıtty. Elshi Iran Prezı­dentine Qazaqstannyń AО́SShK-ni ha­lyq­aralyq uıymǵa aınaldyrý basymdyǵy týraly atap ótti.

Prezıdent Ibrahım Raı­sı Irannyń halyqaralyq serik­tes­teri men AО́SShK sekil­di ma­­ńyzdy aımaqtyq forým­darmen y­n­ty­maqtastyq ja­saý­ǵa nıet­­ti eke­nin atap ótti. Ol úki­­me­t­ara­lyq uıymdar hat­shy­lyqtarynyń, onyń ishinde AО́SShK-niń hatshylyǵyn da, múshe memleketterdiń úkimetteri ara­­synda yntymaqtastyqty da­my­týdaǵy, olardyń mańyzdy she­shim­derdi qabyldaý proses­terindegi mańyzdy rólin atady. «AО́SShK óziniń alǵa qoıǵan maq­sattaryna jetýi úshin belsen­di túrde alǵa umtylýy tıis jáne múshe memleketteriniń úkimet­teri arasynda yntymaqtastyq­ty kúsheıtkeni jón», dedi Iran Pre­zı­denti. Sonymen qatar ol AО́SShK-niń rólin udaıy kú­sheı­tý men ulǵaıtý kerektigin basa aıtty. Ibrahım Raısı Irannyń AО́SShK jumysynyń ne­gizgi baǵyttaryna qosqan úle­sine nazar aýdardy, sony­men birge Irannyń Forým maqsat­ta­ry­­na jetý prosesine odan ári bel­sen­dilikpen qaty­sýǵa daıyn­dyǵyn jáne Azııa másele­leri jó­nin­degi yn­ty­maqtastyqty jo­ǵa­ry deń­geı­de jetildirý nıetin bildirdi. 

Iran Parlamentiniń Spı­keri Mohammad Bager Galıbaf myr­za­men kezdesý barysynda AО́SShK atqarýshy dırektory Irannyń Forým sheńberinde jáne odan tys aýqymda aımaqtyq qaýipsizdikti qamtamasyz etýdegi mańyzdy rólin erekshe atap ótti. Q.Sarybaı Irannyń jańa úki­­metimen qarym-qaty­nas ja­saýǵa daıyndyǵyn jetki­zdi. Atqarýshy dırektor beı­bit­­shilik pen qaýipsizdikti bir­jaq­ty retpen qamtamasyz etý múm­kin emestigi týraly, sony­men birge AО́SShK suhbat júrgizý men ózara árekettestik úshin qo­laı­­ly alań ekenine nazar aýdar­­dy. Elshi Q.Sarybaı kóp­jaq­ty qatynastardyń mańyz­dy róli men ár múshe memle­ket­­tiń ortaq iske erekshe atsalysyp otyrǵanyn atap ótti. Nátıjesinde, osynyń bári Azııa elderiniń órkendeýine ákelip, ózara tıimdi yntymaqtastyq pen óziniń bolashaǵy týraly der­bes túrde sheshim qabyldaýǵa qolaı­ly jaǵdaıdy týdyrady.

Iran Parlamentiniń Spıkeri beıbitshilik pen qaýipsizdikti qamtamasyz etý barlyq memle­ket­terdiń basymdyǵy ekenin jetkizdi jáne de búgingi tańda Azııa búkilálemdik beıbitshilik pen qaýipsizdik baǵytynda qa­dam­dar jasap otyrǵan basty qoz­ǵaýshy kúshterdiń biri sanala­ty­nyn atady. Ol AО́SShK-niń beı­bit­shilik pen qaýipsizdikti qam­ta­masyz etý jolynda oń nátıje­lerge qol jetkizetinine senim bildirdi.

Tegeranǵa is-sapary barysynda Q.Sarybaı Ekonomıka­lyq ynty­maqtastyq uıymynyń (EYU) Bas hatshysy Hadı Sýleı­man­­pýr myrzamen kezdesti jáne ol óz seriktesimen AО́SShK men EYU ara­synda ózara áre­kettes­tik pen áleýetti tıimdi ynty­maq­tas­tyq­tyń baǵyttary jóninde jemisti ári mazmundy pikir almasty.

Elshi Q.Sarybaı EYU Bas hatshysyn AО́SShK-niń qazirgi jumysy týraly habardar etti, sonyń ishinde, Qazaqstannyń AО́SShK-ge Tóraǵalyǵynyń Fo­rým­dy tolymdy uıymǵa aı­nal­dyrý jáne AО́SShK pro­sesi­niń, Hatshylyǵynyń ınstı­týttyq ári ornyqty damýyn kúsheıtý jónindegi basymdyǵy týraly atap ótti. AО́SShK at­qarý­shy dırektory AО́SShK men EYU arasynda áleýetti ózara árekettestikti damytý jó­nin­de tıimdi sheshimder men naq­ty salalarǵa nazar aýdardy. Bul salalarǵa Azııadaǵy AО́SShK men EYU múddeleriniń uq­sas­tyǵy men geografııalyq orna­lasýyn, AО́SShK-ge múshe memle­ketterdiń kóptigin, jan-jaqty kún tártibin, sonymen birge EYU-nyń ekonomıkalyq turǵydan orasan mol tájirıbesin eskere otyryp, ózara yqpaldastyqty kúsheıtý máseleleri kiredi. Mysal retinde, Q.Sarybaı uqsas mandattary bar AО́SShK men EYU-nyń arnaıy mekemeleriniń áreketterin biriktire otyryp, eki uıymnyń forýmdaryna nemese basqa da is-sharalaryna qaty­sý sııaqty tıimdi ózara áreket­tes­tiktiń múmkindikterin atap ótti.   

EYU bas hatshysy EYU men AО́SShK maqsattary bir-biri­ne uqsas keletinin jáne or­taq maqsattarǵa jetý úshin qolaı­ly tásilderdi qoldana oty­ryp, ózara tıimdi yntymaqtas­tyq­ty damytýdyń orasan zor múm­kin­dikterin sóz etti. Hadı Sýleı­man­pýr aımaqtyń órkendeýi men Azııa elderiniń ekonomıkalyq jaǵdaıyn jaqsartý maqsatyna jetýdiń mańyzdylyǵyn erekshe atap ótti, sonyń ishinde, aı­maq­tyq uıymdardyń áreket­terin jahandyq aýqymda birik­tirip, qarjy jumsalymy men ın­­ves­tısııalarǵa jol ashý kerek eke­nine nazar aýdardy. EYU Bas hatshysy EYU men AО́SShK ekijaqty kelisim negizinde ynty­maqtastyqty kú­sheıte alady jáne ózara tıim­di qadamdar jasaı alady degen pikirin bildirdi.