Ashyq aspan astyndaǵy galereıa

El táýelsizdiginiń otyz jyl­dy­­ǵyna arnalǵan mazmundy jobany «QazExpoCongress» UK» AQ men Eýra­zııa­lyq mádenı alıansy iske asyryp otyr.

Atalǵan aýmaqta qoıylǵan óner týyndylary kórgen adamǵa ashyq as­pan astyndaǵy galereıa sekildi áser qaldyrady. Biregeı keńistikte Saıd Atabekov, Arystanbek Shalbaev, Mol­daqul Narymbetov, Murat Dil­manov, Valerıı Kazas jáne Andreı Lıýb­lınskıı sekildi qazaqstandyq jáne sheteldik sýretshilerdiń týyndy­lary men birqatar ınteraktıvti obekti qoıylǵan. Má­selen, 12 avtorlyq zamanaýı óner týyndysy jaıaý júrginshiler aǵyny, oryn arhıtektýrasy men shyǵarmalar konteksin eskere otyryp ornalastyrylǵan. Aı­talyq, Sáken Narynov («Ýaqyt pen keńistikte», «Energııa sıqyry»), Mark Fornes (Minima/Maxima) jáne Endrıý Rodjers («Ashylmaly energııa») sııaq­ty sýret­shilerdiń qoldanystaǵy tórt músinin tolyqtyryp, Ortalyq Azııa­daǵy músin­derdiń eń úlken biregeı saıa­baǵyn quraıdy. Osylaısha, halyqaralyq sýretshilerdiń týyndylary qazaqstandyq avtorlarmen dıalogty jandandyryp, ártúrli mádenıetter arasynda jańa qarym-qatynas qalyp­tastyrady. Sonymen qatar músinshiler ansamblinen basqa, bul aýmaqta apta saıyn mýzykanttardyń túrli qo­ıylym­dary ótip, kórkem jáne zamanaýı áde­bıettiń úlken qory bar eki ınte­raktıvti kitaphana jumys isteıdi.

Aıta keteıik, qazirgi pandemııa jaǵ­daıyna baılanysty is-shara kezinde barlyq qaýipsizdik saqtalyp, kelý­shi­ler­di ASHYQ qosymshasy arqyly qa­byldaıdy.