Sheshimin kútken máseleler bar

«Bul – álemniń jetekshi ýnı­ver­sıtetterinde qoldanyla­tyn «zerthana-aýdıtorııa-óndi­ris» úsheýin biryńǵaı júıe­ge ın­te­grasııalaý arqyly ǵy­lym­dy damytýdyń jáne kadr daıar­laýdyń zamanaýı mode­li. Osyndaı sınergııanyń arqa­synda stýdentter zamanǵa saı bilim alady. Al ǵylym talantty jas kadrlarmen turaqty túrde qamtamasyz etilip otyrady», dedi A.Kúrishbaev.

Sonymen qatar depýtat ót­ken jyldyń aıaǵynda Senat­tyń Agrarlyq máseleler, ta­bı­ǵat­ty paıdalaný jáne aýyl­dyq aýmaq­tardy damytý komıteti Shor­tandyda ǵylymı qala­shyq­tyń áleýmettik damýyn jaq­sartýǵa qatysty kóshpeli otyrys ótkizgenin atap ótti. Aqylbek Kúrishbaev sol kezde kóterilgen máselelerdiń bir bóligi búginde oń sheshimin tapqanyn da jet­kizdi. Atap aıtqanda, aýylda jol­dar kúrdeli jóndeýden ótki­zildi. Ǵylymı qalashyqta jaryq­tandyrý júrgizildi jáne aýdan áki­miniń aıtýynsha, jaqyn arada aýyz sýmen jabdyqtaý jú­ıesi jaq­sar­tylady. Al 2 jyl­dan keıin aýyl tolyǵymen gaz­dandyrylady.

Senat depýtaty AО́K salasyn ári qaraı órkendetý úshin osy baǵyttaǵy kóshbasshy el­der­diń jetekshi ǵalym-sha­rýa­larynyń qatysýymen zamanaýı zertteý ortalyǵyn qurý qa­jet­tigin sóz etti. Onyń qura­myna Molekýlıarlyq bıologııa ádisterin paıdalana otyryp, aýyl sharýashylyǵy daqyl­darynyń jańa sorttary men býdandaryn jasaý jó­nindegi zerthanalar, bıotehnologııalar negizinde janýarlardyń gene­tı­kalyq qasıetterin jaq­sar­tý jónindegi qoıma, agro­teh­nologııalar jónindegi qa­zir­gi zamanǵy zertteý bazasy, aýyl sharýashylyǵy ónim­­derin qaıta óńdeý jáne saqtaý jónindegi zerthanalar jáne basqalar engizilýi kerek. Onda jetekshi sheteldik já­ne otan­dyq ǵalymdar jumys is­teý­ge tıis. Jas ǵylymı kadrlar men stý­dentterdiń turaqty túrde tá­jirıbeden ótip turýyna da jaǵ­daı jasalý qajet. Osy­laı­sha, Ortalyq óńirlik agrar­lyq ǴZI men tájirıbelik sharýashy­lyqtardyń jumysyn jetildire túsýge múmkindik alady.

Al senator Sáýle Aıtpaeva Aqmola oblysyna sapary bary­synda halyqty sýmen qamta­masyz etý, memlekettik qyzmet kórsetýdiń sapasy, sanıtarlyq-epıdemııalyq jaǵdaı, vaksınasııa boıynsha júrgizilip jat­qan jumystar, dáriger mamandarmen jáne pedagogtermen qamta­masyz etý jáne t. b. máselelerdi talqylady.

Jergilikti turǵyndar kóter­gen máselelerdiń ishinde mem­lekettik ınternet-portaldar­dyń jumysyna qatysty boldy. Aýyl turǵyndarynyń aıtýynsha, keıbir aýyldarda ınternetke qol jetkizý qıyn bolyp otyr. Senator jańa oqý jyly bastalardyń aldynda jáne josparlanǵan halyq sanaǵyn ótkizý qarsańynda ótkir máse­lelerdi barynsha jedel sheshý mańyzdy ekenin atap ótti. S.Aıt­paeva qazirgi máselelerdiń bir bóligine ońaltý jumystary júrgizilip jatqanyn, biraq óziniń depýtattyq qyzmeti barysynda olardy túpkilikti sheshýdi kóteretinin atap ótti.

Senator oblystyq prokýratýra men ádilet departamentiniń basshylyǵymen kezdesýde quqyq qorǵaý, prokýratýra jáne sot organdary arasyndaǵy ókilet­tikterdiń arajigi men jaýap­­ker­shilik aımaqtaryn ajyra­tý jáne qylmystyq proses­tiń úsh býyndy úlgisin engizý ná­tı­jelerin talqylady. S.Aıt­paeva sonymen qatar oblys ortalyǵyndaǵy kóshelerdi jedel baqylaý jáne quqyqtyq tártipti qorǵaıtyn polısııanyń keshendi kúshteriniń jasaqtaryn basqarý negizgi mindeti sanalatyn jedel basqarý ortalyǵynyń jumysymen de tanysty.

Senator, sondaı-aq Jaqsy aýdanyn­da «Nurly jer» baǵdar­lama­sy aıasynda salynyp jat­qan 18 páterli turǵyn úı quryly­sy­nyń barysyn kórdi jáne dári­ger­­lerge arnalyp 2020 jyly salyn­ǵan 8 páterli turǵyn úıde boldy.

Daıyndaǵan

Joldybaı BAZAR,

«Egemen Qazaqstan»