Aımaqtar • 11 Tamyz, 2021

Soltústik óńirde belgisiz indetten iri qara qyrylyp jatyr

84 ret kórsetildi

Indetti teksergen jaýaptylar bul qorasan aýrýy bolýy múmkin degen boljam jasady, dep habarlaıdy Egemen.kz.

Soltústik Qazaqstan oblysynda belgisiz aýrýdan mal ólip jatqany anyqtaldy. Keselge, kóbine, iri qara shaldyqqan. Tórt túlikke tıgen indetten, ásirese, Ýálıhanov aýdanyndaǵy Mortyq aýylyndaǵy sharýashylyq ıeleri zardap shekken, dep habarlaıdy 31-arnanyń Informbıýro aqparattyq baǵdarlamasy.

Aýylda qazirdiń ózinde belgisiz aýrýdan onnan astam iri qara qyrylǵan. Jergilikti jurtshylyq óriste ólgen malyn vıdeoǵa túsirip, áleýmettik jelide jarııalaǵan. Olar indetten 3-4 aılyq buzaýlar men jas taıynshalar ólip jatqanyn aıtady.

Túliktiń aldymen artqy aıaǵy aqsap, denesinde isik paıda bolady. Al keıbiriniń ishi qarysyp táýlik ishinde ólgen. Belgisiz aýrýdyń adamǵa juǵýynan qaýiptengen turǵyndar mal óleksesin órteýge kirisken. Mal dárigerleri iri qaranyń qandaı indetten qyrylǵanyn anyqtaı almaı, tek qorasan aýrýy bolýy yqtımal degen boljammen shektelip otyr.

«Mal dárigerleri baryp tekserdi. Biraq qandaı aýrýdan ólgenin anyqtaý ázirge múmkin bolmaı tur. Sebebi, mal ólekselerinen 2-3 saǵattyń ishinde patologııalyq taldaý alyp úlgermegen. Maldar órtelgen aýmaq zalalsyzdandyryldy», dedi SQO veterınarııa basqarmasy basshysynyń orynbasary Qaıyrly Qazanov.  

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar