Kentaý QPB-nyń kezekshi bólimine aýrýhanadan aýyr jaraqat alǵan er adamdy jansaqtaý bólimine jetkizgeni týraly habarlama kelip tústi. Tártip saqshylary jábirlenýshini belgisiz kólik qaǵyp, júrgizýshiniń oqıǵa ornynan qashyp ketkenin anyqtady. Kentaý qalasynyń turǵyny alǵan jaraqattarynan esin jımastan qaıtys bolǵan. Jasyrynǵan júrgizýshini izdeýge aýdandyq polısııa bóliminiń barlyq jeke quramy men tájirıbeli polısııa toby baǵyttaldy.
Jedel-izdestirý is-sharalaryn júrgizý barysynda tártip saqshylary júrgizýshiniń jeke basyn anyqtap, ustady. Ol Kentaý qalasynyń turǵyny bolyp shyqty, ony qalalyq polısııa bólimine jetkizdi. JKO jaıty boıynsha qazirgi ýaqytta QR QK-niń 345-baby (Jol júrisi nemese kólik quraldaryn júrgizýshi adamdardyń kólik quraldaryn paıdalaný qaǵıdalaryn buzýy) jáne 347-baby (Jol-kólik oqıǵasy bolǵan jerden ketý) boıynsha sotqa deıingi tergeý júrgizilýde. Kúdikti qamaýda. Anyqtaýshylar jol-kólik oqıǵasynyń sebepteri men mán-jaıyn anyqtaýda.
