Curanysqa ıe mamandyqty onlaın meńgerińiz

JANARU dep aıdar ta­ǵyl­ǵan joba tórt baǵyt negi­zin­de júzege aspaq. Onlaın platforma ıgiligin tolyq paıdalanǵan ta­lapkerler SMM, Web-dı­­zaın, menedjment jáne Soft-skills qabiletterin ıgerip shyǵa alady.

Qazaqstan jastary kongresi qolǵa alyp otyrǵan joba platformasynda (janaru.jascongress.kz) atalǵan tórt baǵyt boıynsha kýrstar jınaqtalǵan. Uıymdastyrýshylardyń aı­týynsha, joba ózekti maman­dyq­tar men qabiletterdi ıgerýge kómektesedi. Atap aıtar bolsaq, SMM baǵyty boıynsha – Mobılograf, Pıkcher jumysyn; WEB baǵyty bo­ıynsha – Python baǵdarlamalaý, UI/UX dızaın, Landing saıttaryn qurý jáne Motion design jumysyn; menedjement ba­ǵy­ty boıynsha is qaǵazdaryn júrgizý, sandyq etıketti meń­ge­rip shyǵýǵa múmkindik bar. Sondaı-aq tórtinshi kýrs túri – «Daǵdylardy damytý» aıasynda qatysýshylar kópshilik aldynda sóıleý men dızaın-oılaý turǵysynan jańa qabiletterge ıe bolady.

Jobany Nursultan Na­zar­baev qorynyń qolda­ýy­men Qa­zaqstan jastar Kongresi jú­zege asyryp otyr. Osy ar­qy­ly jastardyń tyń daǵ­dy­lardy ıgerýine jol ashatyn qoljetimdi alań qurýdy kózdeıdi. Jobaǵa qatysqysy kelgen adam jastar kongresiniń saıtynda tirkelip, barlyq blok boıynsha sabaqtardy tegin oqýǵa múmkindik alady. Qatysýshynyń ózine yńǵaıly kez kelgen ýaqytta sabaqtardy oqýyna bolady. Talapker tek bir baǵytty oqysa da bolady. Bárin de qamtyp, búkil kýrsqa qatysamyn degen adamǵa da esh kedergi joq.

«SMM-di oqý arqyly siz targetti qalaı durys qu­rý­dy, mátindi durys jazýdy, foto men beınejazbaǵa túsire alýdy, kopıraıterlikti úırene alasyz. SMM – qazirgi sátte eń bir ózekti quralǵa aınalyp otyr. Olardyń qyzmetine memlekettik mekemeler de, jeke uıymdar da muqtaj bolyp otyr. Osy salany tereń biletin adamdy jumysqa alý arqyly óz qyzmetterin kúsheıtkisi keledi. Al WEB blogyndaǵy kýrstarǵa qatysý arqyly saıt jasaýdy úırenesiz. Bálkim jeke saıtyńyzdy ashasyz, bálkim jeke kompanııaǵa saıt jasap beresiz», deıdi joba úılestirýshisi.

О́zin-ózi damytýǵa arnalǵan jáne qazirgi zamanǵa saı kásip, mamandyq, daǵdylarmen ta­ny­sýǵa ar­nalǵan JANARU jo­basynyń onlaın alańynda 25 beınejazba bar. Ázirge beıne-sabaqtardyń barlyǵy oryssha túsirilgen. Úılestirýshiler muny qazaq tilindegi mamandar tapshylyǵymen túsindiredi. Eger osy joly talapkerlerdiń ynta-yqylasy joǵary bolsa, kelesi kezektegi sabaqtar qazaq tilinde usy­nylmaq. Jobaǵa qatysty jańalyqtar men ózge­­ris­terdi @janaru.kz ınstagram paraqshasynan baqylap otyrýǵa bolady.