Aımaqtar • 12 Tamyz, 2021

Dala órti ǵaryshtan baqylanady

48 ret kórsetildi

Elimizdiń Shyǵys aımaǵyndaǵy dala órtin anyqtaý úshin ǵaryshtan baqylaý júrgizilip jatyr. Atalǵan iske kásibı qutqarýshylar jumyldyrylǵan, dep jazady Egemen.kz QazAqparatqa silteme jasap.

Bıylǵy órt qaýpi joǵary kezeń bastalǵaly 180-nen astam dala órti tirkelgen. Tilsiz jaý 4818 gektar aýmaqty qamtyǵan. О́rttiń jıileýiniń basty sebebi turǵyndardyń otty tyıym salǵan aımaqtarda paıdalanýy men saqtyq sharalaryn ustamaýy.

«Janýdy bastapqy kezeńde anyqtaý úshin TJD mamandary kosmomonıtorıngti paıdalanady. «Geosat» JShS-men jasalǵan kelisimshart negizinde termonúkteler boıynsha derekter alýǵa múmkindik bar. Búgingi tańda ǵaryshtyq tehnologııalardyń kómegimen qutqarýshylar órttiń taralýyn talaı ret ýaqtyly anyqtap, jalyndy tez aýyzdyqtady. 2021 jyldyń 11 sáýirinen bastap 352 termonúkte tirkelgen», delingen ShQO Tótenshe jaǵdaılar departamenti baspasóz qyzmeti taratqan habarlamada.

Zamanaýı mamandandyrylǵan baǵdarlamanyń kómegimen Shyǵys Qazaqstan óńiriniń 1 mln sharshy shaqyrymnan astam aımaq táýlik boıy baqylaýda bolady. Dala órtin ǵaryshtan baqylaý tótenshe jaǵdaı týyndaǵanda jedel sheshim qabyldaýǵa kómektesedi.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar