Aımaqtar • 12 Tamyz, 2021

Túrkistan oblysynyń turǵynynan marıhýana tabyldy

51 ret kórsetildi

«Qarasora-2021» jedel-profılaktıkalyq is-sharasy aıasynda birqatar esirtkige qatysty qylmystardyń beti ashyldy, dep jazady Egemen.kz Polisia.kz-ke silteme jasap. 

Sonyń biri, Túrkistan oblysy Qazyǵurt aýdanynyń turǵyny 1 keliden astam marıhýanany saqtap kelgeni anyqtalyp, ustaldy. Bul jaıt birden QR QK-niń 296-baby (Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) boıynsha tirkeldi.

Tııanaqty tintý áreketteri kezinde er adamnyń úıiniń aýlasyndaǵy saraıynan polıetılen paketine salynǵan 1 keliden astam esirtki zaty men qoldan jasalǵan esirtki zatyn shegýge arnalǵan qurylǵy tabyldy. Esirtki zatynyń qaı túrge jatatynyn naqtylaý úshin, tárkilengen zat saraptamaǵa joldandy. Saraptama qorytyndysynda esirtki zatynyń «keptirilgen marıhýana» ekeni belgili boldy.

Búgingi tańda kúdikti qamaýda. Oǵan qatysty Qazyǵurt APB-nyń tergeýshilerimen sotqa deıingi tergeý amaldary júrgizilýde. О́z merziminde tergeý oqıǵanyń tolyq mán-jaıyn anyqtaıtyn bolady. 


Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar